Ambasada e Shteteve të Bashkuara dënon me forcë dhunën dhe shkatërrimin e ndodhur gjatë protestave të sotme në Tiranë.
Në një reagim në rrjetet sociale, Ambasada Amerikane në Tiranë thotë se
“mbështesim të drejtën e qytetarëve për të protestuar paqësisht, por dëmtimi i pronës publike dhe dhuna nuk janë të pranueshme. Nxisim të gjitha palët që të tregojnë vetëpërmbajtje më të mirë dhe të rivendosin qetësinë”.
Ambasada e SHBA i bën thirrje të gjitha partive politike që t’i denoncojnë këto akte dhe të ndërmarrin të gjitha hapat e nevojshme për t’u siguruar që situata të shndërrohet në paqësore dhe konstruktive.
Nxisim të gjitha palët që të tregojnë vetëpërmbajtje më të mirë dhe të rivendosin qetësinë. Iu bëjmë thirrje të gjitha partive politike që t’i denoncojnë këto akte e të ndërmarrin të gjitha hapat e nevojshme për t’u siguruar që situata të shndërrohet në paqësore dhe konstruktive.
— USEmbassyTirana (@USEmbassyTirana) February 16, 2019
Edhe delegacioni i Bashkimit Europian në Tiranë ka bërë thirrje për përmbajtje dhe ka dënuar dhunën në protestë.
“Delegacioni i Bashkimit Evropian dhe Ambasadat e Shteteve Anëtare në Tiranë u bëjnë thirrje të gjitha palëve të tregojnë përmbajtje të menjëhershme. E drejta e qytetarëve për t’u shprehur përmes protestës paqësore është një vlerë thelbësore e një demokracie moderne evropiane”.
Megjithatë, shton delegacioni i BE, dëmtimi i pronës publike dhe përdorimi i dhunës nuk janë të pranueshme.
“Ne u bëjmë thirrje të gjitha palëve të bëjnë çmos për të shmangur dhunën dhe çrregullimin e mëtejshëm”,
thuhet më tej në reagim.
Delegacioni i Bashkimit Evropian dhe Ambasadat e Shteteve Anëtare në Tiranë u bëjnë thirrje të gjitha palëve të tregojnë përmbajtje të menjëhershme. E drejta e qytetarëve për t’u shprehur përmes protestës paqësore është një vlerë thelbësore e një demokracie moderne evropiane. 1/2
— EU in Albania (@EUinAlbania) February 16, 2019
I njëjtë ka qenë edhe mesazhi i Prezencës së OSBE-së në Shqipëri, e cila gjithashtu ka dënuar dhunën. Në deklaratë thuhet se nxitësit dhe autorët e dhunës mbajnë përgjegjësi për incidentet e sotme.
“Prezenca e OSBE-së bën thirrje për përmbajtje nga çdo akt dhune i mëtejshëm kundër kryeministrisë dhe çdo lloj prone publike apo private. Përshkallëzimi i dhunës së rrugës sot përbën një shkelje të parimeve të protestës demokratike paqësore. Nxitësit dhe autorët e dhunës mbajnë përgjegjësi për incidentet e sotme. Ne do të vijojmë të mbështetim të gjitha aktet e protestës demokratike dhe paqësore, si pjesë e përkrahjes sonë të pal
ëkundur për demokracinë në Shqipëri”.
Prezenca e OSBE-së bën thirrje për përmbajtje nga çdo akt dhune i mëtejshëm kundër kryeministrisë dhe çdo lloj prone publike apo private. Përshkallëzimi i dhunës së rrugës sot përbën një shkelje të parimeve të protestës demokratike paqësore. 1/2
— OSCE PresenceAlbania (@OSCEinAlbania) February 16, 2019
/tvklan.al