SHBA vendos sanksione të reja ndaj Iranit

SHBA vendos sanksione të reja ndaj Iranit

21:15 10/01/2020

Masa për këdo që bën tregti me Republikën Islamike

Washingtoni ka shtuar sanksionet ndaj Teheranit, pas goditjes me raketa nga ushtria iraniane të bazave ajrore amerikane në Irak, në orët e para të së mërkurës.

Sanksionet e bëra publike nga Sekretari Amerikan i Tregtisë, Steve Mnuchin, gjatë një konference të përbashkët për shtyp me kryediplomatin Mike Pompeo në Washington disa zyrtarë të lartë iranianë të përfshirë në sulmin e së martës ndaj trupave amerikane.

“Presidenti autorizoi vendosjen e sanksioneve shtesë kundër çdo individi që zotëron, operon dhe bën tregti me sektorë që ndihmojnë ekonominë iraniane, përfshirë ndërtimin, prodhimin, tekstilet dhe minierat”.

Tensionet mes Washingtonit dhe Teheranit u ashpërsuan pas vrasjes më 3 Janar nga dronët amerikanë të komandantit të gardës revolucionare iraniane Kasem Sulejmani, i konsideruar si numri 2 i regjimit iranian.

Këto tensione rrezikuan shpërthimin e një lufte të re në Lindjen e Mesme mes ushtrisë amerikane dhe asaj iraniane. Por Dhoma e Ulët e Kongresit miratoi me shumicë votash një rezolutë që kufizon vendimmarrjen e presidentit Trump për ushtrisë në rast konflikti të armatosur me Iranin.

Sipas rezolutës, Trump mund urdhërojë ushtrinë vetëm me një tjetër vendim të Kongresit.

Tv Klan




Grupi
LAJMET
Të ngjashme


Grupi