Një nënë është vënë nën hetim nga autoritetet pasi zhvarrosi të birin e saj dhe e mori në shtëpi. 26-vjeçari Zviadi Dzhobava vdiq nga leucemia dhe u varros në vendlindjen e tij në Ussuriysk, në rajonin Primorsky Krai të Rusisë.
Pak kohë pas vdekjes së të birit, nëna e tij e pa në ëndërr sikur ishte ende gjallë dhe vendosi që të shkonte tek varri i tij. Sipas asaj që shkruan e përditshmja Mirror, gruaja, emri i së cilës nuk është bërë publik, mori me qira një makinë, shkoi në varreza dhe pasi e nxorri arkivolin e mori me vete në shtëpi.
Ajo mësohet se e la arkivolin e të birin në oborrin e shtëpisë, ku qëndroi për 3 ditë derisa një prej fqinjëve mori në telefon policinë. Kur kjo e fundit shkoi në shtëpinë e gruas, ajo pranoi çfarë kishte bërë.
Autoritete nisën hetimet ndaj saj ndërsa urdhëruan që t’i bëhej një ekspertim psikiatrik. Ajo pritet që të qëndrojë nën kujdesin e mjekëve për dy muaj, për të përcaktuar gjendjen e saj mendore.
26-vjeçari u varros në të njëjtin vend, ndërsa sa i përket nënës së tij, nëse shpallet fajtore ajo përballet me gjobë./tvklan.al
