Të ftuar:
Entela Koja Spahivogli – Arkitekte
Aida Topalli – Gazetare
Në skype:
Chrysanthi Kalogeri – Astrologe
Gazetare: Ermelinda Zef Ndoja
#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.
2 receta nga Znj. Vjollca
Fileto pule me limon
500 gr fileto pule
50 gr miell
Vaj + 1 lugë gjelle gjalpë
1 qepë të vogël ( në fije )
1 lugë çaj lëkurë limoni
Lëngu i 1 limoni
Kripë + piper të zi
200 – 250 ml ujë
2 lugë gjelle majdanoz të grirë hollë
Pastrojmë mishin e pulës dhe e presim në feta, shirita apo në kubik, si të dëshironi. I vendosim në një tas dhe i pudrosim me miell. I përziejmë mirë e më pas i kalojmë në sitë me qëllim që mielli i tepërt të mos mbetet tek mishi.
Në një tigan të thellë shkrijmë gjalpin + vajin dhe kaurdisim qepën në fije sa të zbutet. Shtojmë lëkuren e limonit dhe e përziejmë me qepën për 1 min. Shtojmë mishin dhe e përziejmë herë pas here derisa shohim që mishi të zverdhet. E shuajmë me lëngun e limonit dhe e përziejmë lehtë. Rregullojmë shijen me kripë dhe piper të zi e më pas shtojmë ujin dhe pasi e përziejmë vendosim kapakun. E lëmë të ziejë në temperaturë mesatare për 10 min. Nëse shohim që kremi i përftuar trashet, i shtojmë dhe pak ujë dhe e lëmë në konsistencën që preferoni. E servirim me majdanoz të grirë hollë.
Për 10 minuta receta më e shijshme me qiqra
500 gr qiqra ( të gatuara )
Vaj ulliri
1 qepë e vogël
2 thelpinj hudhra
1 spec i kuq ( në kubik )
600 ml lëng perimesh
1 limon
1/2 tuf kopër
1 lugë çaj kerri pluhur
Kripë + piper të zi
1 lugë gjelle mustardë
-Për servirje
Salcë kosi
Spec pikant, opsional
Në një tenxhere të thellë ngrohim vajin dhe kaurdisim qepën derisa të zverdhet. Shtojmë hudhrat e grira hollë dhe vazhdojmë kaurdisjen duke zbutur qepën herë pas here me lëng mishi. Shtojmë specat në kubik, e përziejmë për 1 min e më pas shtojmë qiqrat, i përziejmë duke shtuar kripë + piper + kerri e më pas lëngun e perimeve në një nivel me qiqrat. I lëmë të ziejnë përbërësit veç për 10 min. Marrim një garuzhde qiqra me lëng, shtojmë mustardë + lëng limoni. Përziejmë në një blender, i kthejmë në pure dhe e shtojmë në tenxhere me qëllim që të trashet pak lëngu. Shtojmë në tenxhere dhe koper të grirë hollë dhe sa të marrë 1 valë e shërbejmë ne tas me 1 lugë gjellë salcë kosi dhe pak spec pikant në të.
Hëna e plotë në shenjën e luanit, çfarë transformimesh do të sjellë?
Shqetësime e egoizëm të tepruar, çfarë sjell hëna e plotë në Luan këtë javë: Shenjat të bëjnë kujdes!
Hëna e plotë do të jetë këtë javë në shenjën e Luanit, e do të sjellë me vete shqetësime, xhelozi, fobi, por edhe egoizëm të tepruar. Për këtë arsye, secila shenjë duhet të bëjë kujdes dhe të mos i zmadhojë situatat më shumë seç duhet, pasi mund të dalin nga kontrolli e të krijojnë konflikte.
E ftuar në emisionin “Shije Shtëpie” në Tv Klan, astrologia Chrysanthi Kalogeri, tregoi gjithashtu se me datë 23 janar, Afërdita do të kalojë në shenjën e Bricjapit dhe kjo do të ndikojë në mënyrë pozitive tek shenjat e tokës.
Chrysanthi Kalogeri: Nesër Afërdita kalon në shenjën e Bricjapit. Kjo zonjë “comme il faut”, sepse Afërdita në shenjën e Bricjapit është një zonjë “comme il faut”, pra di të gjitha rregullat, është serioze, di si të vishet. Kjo zonjë do të qëndrojë në shenjën e Bricjapit deri në datën 16 shkurt, kështu që shenjat e tokës (Virgjëresha, Demi, Bricjapi) do të kenë të gjitha shanset të përfitojnë nga kalimi i saj në shenjën e Bricjapit. Madje, një ditë shumë e mirë ku mund të përfitojnë shenjat e tokës, do të jetë e diela dhe e hëna, ku Afërdita bën një lidhje harmonike shumë të mirë me Demin, por një lidhje gjashtëkëndëshe dhe me Saturnin tek Peshqit, pra bisedat, zhvillimet ekonomike, do të kenë një vlerë dhe do të kenë një bazë. Ndërkohë që, ngjarja më kryesore e javës, është hëna e plotë në shenjën e Lunit. Një hënë e rëndësishme. Dje kishim bashkimin e Diellit me Plutonin në shenjën e Ujorit, pra fillimi i një epoke të re, ku do të shikojmë ndryshime e transformime për të cilat kemi folur. Kjo hënë e plotë bëhet pikërisht në kundërshtim me Plutonin; kemi një hënë të plotë që mund të na krijojë fobi, mund të na krijojë shqetësime, mund të na krijojë xhelozi, një egoizëm të tepruar, të humbasim kontrollin. Duhet t’i lëmë gjërat të kalojnë pak dhe të jemi shumë të kujdesshëm gjatë javës. Të shtunën, kur Dielli takon Juptierin në lidhje katërkëndëshe, jo harmonike, mund të na e japë të theksuar ndjenjën e fatit. Ndërkohë që çdo ekzagjerim, i çon gjërat në gabime dhe i çon gjërat në humbjen e kontrollit. Kujdes me shpenzimet, me investimet dhe kujdes në konflikte e në ruajtjen e marrëdhënieve personale.
Yjet sjellin një mori ngjarjesh, Chrysanthi Kalogeri zbulon shenjat protagoniste të javës
Kjo javë do të jetë e mbushur me plot ngjarje për shenjat e horoskopit, pasi nuk është vetëm hëna e plotë në Luan që do të ndikojë në jetën e përditshme, por edhe Afërdita, e cila do të kalojë në Bricjap me datë 23 janar.
Parashikimi i astrologes, Chrysanthi Kalogeri, në emisionin “Shije Shtëpie” në Tv Klan:
Dashi
Është momenti të fokusoheni në karrierën tuaj, të fokusoheni në jetën tuaj sociale, madje, që nesër do të keni shanset të merrni me lehtësi ato që ju dëshironi. Hëna e plotë në shenjën e Luanit është mjaft erotike për ju, por ju krijon një situatë ku ju i doni ose të tëra, ose asgjë. Jeni pak njerëz impulsiv, ndaj kujdes, të mos kaloni në ekzagjerime. Është një javë shumë e mirë për përfitime financiare, që do të vijnë nga puna juaj. Njëkohësisht, do të gjeni edhe mbështetje. Pra, kjo është një gjë e mirë për të shfrytëzuar këtë javë.
Demi
Jeni në fazë ndryshimesh! Mund të keni ndryshime në karrierën tuaj, në jetën tuaj sociale, si pasojë e një njeriu që do të hyjë në jetën tuaj. Ky do të jetë një njeri që mund të ndryshojë jetën tuaj personale, por mund të jetë edhe një bashkëpunim profesional. Madje, mund të gjeni mbështetjen e një njeriu nga rrjeti juaj social, i cili do t’ju ndihmojë në planet për të ardhmen, të përforcojë pozitat tuaja. Në fund të javës që vjen mund të bëni një udhëtim. Kujdes në problemet që mund të lindin në familje, t’i trajtoni me qetësi. Lidhja e hënës me Plutonin, mund t’ju krijojë një shqetësim më të madh dhe pak fobi.
Binjakët
Hëna e plotë në Luan ka të bëjë me mendimet tuaja, planet për të ardhmen, me udhëtime, plane për studime, por edhe për çështje ligjore. Kujdes, nuk duhet të humbisni kontrollin! Është një javë shumë e mirë për të gjetur mbështetjen e duhur në sferën profesionale. Mund të gjeni një mbështetje financiare, por edhe psikologjike. Pra, mund të bëni një bashkëpunim që mund të rris të ardhurat tuaja. Në qoftë se jeni në biseda akoma, që nuk janë realizuar, mirë është që këto biseda t’i mbani për vete dhe t’i bëni të njohura atëherë kur ky bashkëpunim të realizohet.
Gaforrja
Një periudhë shumë e mirë për bashkëpunimet dhe për marrëdhëniet tuaja. Do shkoni më afër të dashurit tuaj, më afër bashkëpunëtorëve, ndërsa për ju që nuk jeni në një marrëdhënie, është momenti të krijoni një marrëdhënie të re e serioze. E diela dhe e hëna që vjen, krijon shanse për një bashkëpunim në lidhje me planet që ju keni ose për një udhëtim që do ju afrojë më shumë me të dashurin tuaj. Kujdes me shpenzimet, sidomos të shpenzoni për gjërat që shkëlqejnë. Gjithashtu, duhet të bëni kujdes në sigurinë tuaj të brendshme. Dëshirat e thella mos i bëni nevoja, se kur ndodh kjo, komplikohet situata. Nevojat janë diçka më të thjeshta se dëshirat tona.
Luani
Luani është protagonisti i kësaj hëne të plotë. Këtu duhet të dimë si të kontrollojmë tendencat egoiste. Duhet të përqendrohemi tek vetja jonë, për të rregulluar si paraqitjen tonë të jashtme, ashtu edhe botën e brendshme shpirtërore, por të gjitha këto të bëhen jashtë tendencave egoiste. Kujdes në marrëdhëniet dhe në bashkëpunimet me të tjerët. Edhe kur ata na provokojnë, rruga më e mirë është diplomacia, pasi jeni në një pikë kur keni shanse shumë të mira në karrierën tuaj ose fushën tuaj profesionale. Kujdes në marrëdhëniet profesionale dhe personale; diçka që mund të thyhet është e vështirë të rregullohet më pas.
Virgjëresha
Një periudhë mjaft pozitive për ju në përgjithësi. Kjo periudhë do të jetë erotike dhe do të jetë tamam në përmasat që e doni ju, në përmasa serioze që t’ju krijojë një qetësi, e një siguri. Fundi i javës ju krijon shanse shumë të mira për një bashkëpunim profesional, i cili do të sjellë rezultate jo vetëm tani, por edhe në të ardhmen. Kujdes nga ana psikologjike! Kujdesuni më shumë për shëndetin tuaj dhe gjeni kohë të çlodheni. Pra, mësoni të kombinoni një mënyrë jetese të shëndetshme, paralelisht edhe me çlodhje.
Peshorja
Jeta juaj familjare, por edhe ajo personale do të ketë një përmirësim. Problemet që mund të keni në shtëpi, do të gjejnë zgjidhje të dielën ose të hënën. Do të keni një mbështetje financiare nga bashkëshorti ose nga prindërit, e cila do të ndikojë në cilësinë e jetës tuaj të përditshme, në përmirësimin e ambientit tuaj të punës, por edhe në përmirësimin e ambientit ku ju jetoni. Ndërkohë që hëna e plotë në shenjën e Luanit ndikon në jetën tuaj erotike dhe në jetën tuaj shoqërore. Nuk duhet të jeni absolut në ato që doni të merrni ose, në marrëdhëniet tuaja erotike. Çdo ekzagjerim, do i çojë gjërat në konflikte.
Akrepi
Jeni në fazë ndryshimesh të thella dhe rrënjësore. Kujdes në probleme që mund të kenë të bëjnë me familjen. Kujdes në vendime që doni të merrni me familjen në lidhje me vendin ku ju banoni, por kryesisht kujdes nga ana psikologjike, pasi disa gjëra mund t’i ekzagjeroni. Evitoni tendencën për të kontrolluar të tjerët si në jetën tuaj personale, ashtu edhe profesionale. Përfitoni nga marrëdhëniet dhe bashkëpunimet që do të krijohen kryesisht të dielën ose të hënën.
Shigjetari
Ky është momenti të përfitoni nga puna juaj e periudhës së mëparshme, të keni një rritje të të ardhurave dhe njëkohësisht, të bëni një organizim më të mirë të sferës ekonomike. Nga fundi i javës krijohen kushtet për të zgjidhur një problem familjarë, ose të bëni arredime në banesën tuaj. Mund të bëni plane për të ardhmen, për studime, për jashtë shtetit, por duhet të bëni kujdes në lidhje me gjërat ligjore. Gjithashtu, duhet të bëni kujdes me rrethin shoqëror dhe të mos i nxirrni gjërat jashtë përmasave. Çdo ekzagjerim udhëheq në gabime.
Bricjapi
Një periudhë shumë e mirë për ju! Keni përpara një periudhë ku jetën do ta vendosni ashtu siç ju doni. Me këtë hënë të plotë, kujdes në sferën financiare, në lëvizjet që do të bëni. Prania e Plutonit në shtëpinë e dytë sjell o të gjitha, o asgjë. Keni mundësi të përjetoni një vit shumë të mirë, me fat, me dashur, dhe prania e Afërditës në shenjën tuaj që nesër, krijon këto kushtet që të paraqiteni sa më bukur. Fundi i javës ju krijon kushte për shanse në sferën ekonomike, për njohje që do t’ju sjellë zhvillim në sferën profesionale, por edhe personale.
Ujori
Ujori është protagonisti i ditëve, jo vetëm sepse është periudha e ditëlindjes së tij, por që dje pranoi në shenjën e tij Plutonin. Për Ujorin, fillon një periudhë me ndryshime rrënjësore. Ndryshimet në fakt nuk janë diçka që nuk janë të pranueshme nga Ujori, por këto janë më të thella. Duhet të jeni shumë të kujdesshëm në marrëdhëniet e tyre dhe të mos iu imponojnë të tjerëve mendimet, dëshirat ose planet që ata kanë. Fundi i javës ju premton zhvillime shumë të mira ekonomike.
Peshqit
Peshqit janë në një periudhë që duhet të ngrenë barrën e përgjegjësisë. Duhet të ndërgjegjësohen, duhet të disiplinohen, ndoshta është pak e vështirë për ta, por nëse do ta bëjnë këtë gjë, do të shikojnë frytet e punë në vitet e ardhshme. Do të keni shanse shumë të mira, të dielën dhe të hënën që vjen, në rrjetin tuaj sociale, përmes një udhëtimi të vogël, përmes promovimit të punës tuaj, përmes kontakteve që ju do të bëni, të cilat do të sjellin përforcimin e pozitës tuaj dhe plotësimin e dëshirave. Fokusohuni në punën tuaj, në jetën tuaj të përditshme. Nuk është nevoja që sjelljet tuaja të jenë të ekzagjeruara.
Quiz/ Loja telefonike
/tvklan.al