Sipas ekspertizës shkak për djegien e babë e bir është bërë një shkëndijë elektrike
Ka qenë aksidental zjarri si pasojë e së cilit u dogjën babë e bir të hënën në lagjen Muzakaj në Berat.
Sipas ekspertizës shkak është bërë një shkëndijë elektrike nga furrnela që ata përdornin për ngrohje.
Nga masa e shkaktuar në rrjetin elektrik u përhapën flakët e përmasave të mëdha në banesë.
61-vjeçari Jovan Vangjeli nuk ka mundur të dalë pasi ishte i paralizuar ndërsa trupi i tij u gjet i djegur i shtrirë në shtrat në dhomën e gjumit.
Pak orë pas tij forcat zjarrfikëse nxorrën të djegur edhe trupin e djalit të tij 37-vjeçar Mateo Vangjeli.
Veç banesës ku humbën jetën 61-vjeçarin me të birin, nga zjarri u dogjën edhe dy shtëpi të tjera ku pati vetëm dëme materiale.
Klan News