Një organizatë kriminale që merrej me vjedhjen e makinave është shkatërruar nga policia greke në Athinë.
Në pranga kanë përfunduar 11 persona, mes tyre dhe dy shqiptarë të moshës 19 dhe 22 vjeç.
Nga hetimet ka rezultuar se grupi ishte përgjegjës për të paktën 17 vjedhje. Makinat e veçanta ishin ato që vidheshin e më pas çmontoheshin për tu shitur në pjesë.
Në garazhin e tyre u gjetën dhjetëra pjesë makinash, ndërsa tregtia fillimisht bëhej online./tvklan.al
