Rrezikonte jetët e forcave të emergjencës
Shembet me shpërthim të kontrolluar edhe pjesa e mbetur e pallatit, që u rrëzua pjesërisht në Majami të Floridas, natën e 24 Qershorit.
Autoritetet vendosën shembjen e plotë të pallatit 12-katësh, pasi pjesa e mbetur rrezikonte po ashtu shembjen nga momenti në moment, duke rrezikuar kërkimet për 121 banorë të konsideruar ende të zhdukur nga rënia e fundmuajit të kaluar.
Ekipet e emergjencës kanë arritur deri më tani të nxjerrin nga rrënojat, trupat e pajetë të 24 viktimave të kësaj tragjedie. Shpresë për gjetjen e të mbijetuarve nuk ka më, ndaj dhe me shembjen e plotë të ndërtesës, gërmimet do të vazhdojnë të sigurta.
Hetuesit po përpiqen ende të zbulojnë shkaqet e vërteta të kësaj tragjedie, ndërsa dyshimet kryesore janë tek mosplotësimi i kushteve teknike që gjatë ndërtimit në vitet ’80.
Tv Klan
