Shkon në 4 numri i viktimave në Serbi

Shkon në 4 numri i viktimave në Serbi

12:14 25/03/2020

Mbi 300 të infektuar, shtohen testimet

Serbia ka konfimuar viktimën e katërt nga Covid-19. Këtë e ka bërë të ditur Ministria e Shëndetësisë, duke saktësuar se bëhet fjalë për një grua të moshës 60-vjeçare që vuante nga një sëmundje e rëndë prej vitesh. Mediat thonë se bëhet fjalë për një mjeke nga qyteti i Nishit që mund të jetë infektuar prej pacientëve. Autoritetet thonë se testimi do të zgjerohet.

“Tani të gjithë pacientët që na vijnë do t’i trajtojmë si Covid-19. Sëmundjet që kanë të bëjnë me infeksione të rënda në organet e frymëmarrjes, pasi gripi po kalon, të gjithë do t’i trajtojmë fillimisht si të dyshuar me Covid-19”.

Serbët kanë marrë masa që gjithçka të jetë nën kujdesin maksimal dhe të dezinfektohet. Numri i të infektuarve tashmë është i lartë pasi ka kaluar sipër 300 dhe thuhet se në klinikën e qytetit jugor ku ka humbur jetën pacientja janë të infektuar të paktën 9 punonjës të spitalit. Kurse disa dhjetëra të tjerë janë në vetëizolim për shkak të frikës së mund të jenë infektuar me virusin gjatë punës.

Tv Klan




Grupi
LAJMET
Të ngjashme


Grupi