Policia e Elbasanit ka arrestuar një 28-vjeçar i cili u konfliktua me stafin mjekësor të spitalit të Elbasanit. Sipas njoftimit të policisë, i riu me iniciale D.K. kishte shkuar në spital për të marrë ndihmë mjekësore, por nisi të debatonte me mjekët.
Më pas aty shkuan forcat policore pas njoftimit që kishin marrë. Teksa po përpiqeshin të shoqëronin 28-vjeçarin, ky i fundit kundërshtoi me dhunë uniformat blu. I riu u arrestua për veprën penale të kundërshtimit të punonjësit të policisë. /tvklan.al
