Qeveria amerikane filloi të shkurtojë mijëra vende pune. Departamenti i Çështjeve të Veteranëve, i cili ofron kujdes shëndetësor për veteranët, tha se kishte shkarkuar më shumë se 1,000 punonjës që ishin në periudhën e tyre të provës, ndërsa Shërbimi Pyjor i SHBA-së njoftoi se u pushuan nga puna më shumë se 3,000.
Vendimi për punonjësit në provë, të cilët në përgjithësi kanë më pak se një vit në punë, erdhi nga Zyra e Menaxhimit të Personelit, e cila shërben si departament i burimeve njerëzore për qeverinë federale.
Presidenti Donald Trump nënshkroi një urdhër ekzekutiv të martën që i udhëzonte udhëheqësit e agjencive të planifikonin reduktime në shkallë të gjerë të fuqisë punëtore.
Trump ka deklaruar se qeveria federale është shumë e fryrë. Qeveria federale ka rreth 36 trilionë Dollarë borxh dhe pati një deficit prej 1.8 trilionë Dollarësh vitin e kaluar, dhe ka një marrëveshje dypartiake për nevojën për reformën e qeverisë.
Largimi i punonjësve në periudhë prove filloi në fillim të kësaj jave dhe ka përfshirë punonjësit në Byronë e Mbrojtjes Financiare të Konsumatorit dhe Departamentin e Arsimit.
Përpjekja fillestare e Presidentit Trump për të zvogëluar fuqinë punëtore ishte programi i dorëheqjes, i cili ofronte t’i paguante punonjësit për 8 muaj nëse ata pranonin të largoheshin.
Megjithatë, numri i punonjësve që e pranuan ofertën ishte më i vogël se objektivi i administratës dhe Presidenti Trump e ka bërë të qartë se do të ndërmerrte hapa të mëtejshëm për të vazhduar me shkurtimet.
Klan News
