Shoqëria terapi për shëndetin e njeriut




Shoqëria terapi për shëndetin e njeriut

23:31 13/07/2021

Studiuesit: Vetmia shkakton më shumë probleme se pirja e duhanit apo edhe obeziteti

Terapite psikologjike fokusohen tek socializimi. 30 minuta kurs vallëzimi, një orë shëtitje me miq, 15 minuta biseda në bar, të gjitha çdo ditë për një muaj. kjo është receta e firmosur nga psikologët kundër vetmisë në Britani. Pra socializimi, veçanërisht pas pandemisë dhe vështirësive që solli, është më i rëndësishëm edhe se ilaçet.

Sipas ekspertëve të fushës, ndërveprimi shoqëror është thelbësor për të luftuar vetminë dhe izolimin, dhe për të shuar pasojat e distancimit social. Qeveria e Wellsit këtë rregull të ri e ka futur në listën e 5 prioriteteve primare për 5-vjeçarin e ardhshëm.

Një neuroshkencëtare britanike ka shpjeguar për BBC se vetmia ishte një proces që nuk nisi me pandeminë, por gjatë kësaj të fundit mori përmasa shumë më të gjera. Gjithashtu edhe më parë kjo tendencë ishte mjaft e pranishme, dhe hasej me shpesh tek të rinjtë, dhe jo tek të moshuarit. Tendenca vijon dhe vetmia dhe pasojat që ajo shkakton sot konsiderohen nga komuniteti shkencor ndërkombëtar më dëm më të lartë sesa duhani dhe obezisteti.

Ajo që theksohet është se shëndeti mendor është më i rëndësishëm dhe duhet të kishte të njëjtën rendësi me maninë e kurimit të trupit. Shëndeti mendor vijon të jetë mjaft i nënvlerësuar, dhe personat qe ndjejnë vetminë, kanë dyfish me tepër risk për të vuajtur nga patologji të rënda mendore.

Klan News





Të ngjashme