Shpërndarja e Parlamentit, ambasada e SHBA: Me rëndësi për krijimin e qeverisë së re

Shpërndarja e Parlamentit, ambasada e SHBA: Me rëndësi për krijimin e qeverisë së re

13:59 22/08/2019

Ambasada e Shteteve të Bashkuara në Prishtinë ka konsideruar se vendimi i Kuvendit të Kosovës për të shpërndarë legjislaturën e gjashtë përbën hap të rëndësishëm drejt krijimit të qeverisë së re.

Përmes një postimi në rrjetin social Facebook, ambasada amerikane ka thënë se “një fushatë, në të cilën kandidatët ofrojnë ide të reja për bisedime me Serbinë, sundimi i ligjit dhe zhvillimi ekonomik, do të siguronin se Kosova nuk humb më shumë kohë në ndërtimin e një baze për të ardhmen”.

Me 89 vota pro, 1 kundër dhe 2 abstenime deputetët e Kosovës kanë votuar për shpërndarjen e Kuvendit, duke iu hapur rrugë zgjedhjeve të parakohshme parlamentare.

Propozimi i deputetëve për shpërndarjen e Kuvendit ka ardhur pasi Ramush Haradinaj ka dhënë dorëheqje nga posti i Kryeministrit të Kosovës më 19 Korrik, meqë kishte marrë ftesë nga Gjykata Speciale për t’u intervistuar në cilësinë e të dyshuarit për krime lufte. /REL

LAJMET
Të ngjashme
Delta

UKT