Qeveria e Malit të Zi tha se një person i panjohur hodhi një mjet shpërthyes mbi ndërtesën e ambasadës amerikane në Podgoricë, ndërsa më pas hodhi veten në erë, rreth gjysmë ore pas mesnatës.
Në një postim në rrjetin Twitter, qeveria tha se
“një person i panjohur bëri vetëvrasje me një pajisje shpërthyese. Para kësaj, ai person hodhi një pajisje shpërthyese nga kryqëzimi pranë Qendrës së Sporteve në ambasadën e Shteteve të Bashkuara”.
Qeveria malazeze tha se
“me gjasë, mjeti shpërthyes ishte granatë dore. Hetimet janë duke u zhvilluar”,
por nuk ka dhënë më shumë hollësi.
Nuk ka pasur dëme në njerëz e as dëme materiale në ambasadën amerikane, e cila paralajmëroi shtetasit amerikanë që të jenë të kujdesshëm dhe të shmangin ambasadën deri në një njoftim të radhës. Të gjitha shërbimet konsullore për ditën e enjte, janë anuluar.
Mali i Zi, një nga vend i vogël me dalje në det, u bë anëtari i 29-të i NATO-s në muajin maj të vitit 2017.
https://twitter.com/MeGovernment/status/966522297019334656?s=20
/VOA
