4 persona humbën jetën dhe 12 të tjerë u plagosën
Një shpërthim bombe në një hotel luksoz në qytetin pakistanez të Quetta ka vrarë të paktën katër persona dhe plagosur 12 të tjerë.
Ambasadori kinez Nong Rong në Pakistan dyshohet të ketë qenë objektivi i sulmit në parkun e makinave të Hotel Serena. Ai nuk ishte aty kur shpërtheu bomba. Ministri i Brendshëm Krahinor Ziaullah Lango bëri të ditur se ambasadori është mirë.
Autoritetet në fillim raportuan se sulmi mund të ishte kryer nga ekstremistët islamikë dhe separatistët e provincës Balochistan. Separatistët duan pavarësi nga pjesa tjetër e Pakistanit dhe kundërshtojnë projektet kryesore të infrastrukturës kineze në zonë. Por më vonë talibanët pakistanezë morën përgjegjësinë për bombardimet.
Pamjet e shpërthimit u shpërndanë në mediat sociale pas kësaj, duke treguar zjarrin që përhapej në vend. Ambasadori kinez Nong Rong ishte takuar më parë gjatë ditës me kryetarin e provincës Jam Kamal në qytet.
Hotel Serena është më i njohuri në Quetta dhe ofron strehim për zyrtarët qeveritarë dhe personalitete. Ai ndodhet pranë Konsullatës Iraniane dhe ndërtesës së parlamentit provincial.
Quetta është kryeqyteti i provincës jugperëndimore Balochistan të pasur me minerale në kufi me Iranin dhe Afganistanin, e cila ka qenë prej kohësh skena e një kryengritje nga nacionalistët lokalë, të cilët duan një pjesë nga burimet rajonale.
Klan News
