Shqiptarët, të dytët në Europë për t’u martuar




Shqiptarët, të dytët në Europë për t’u martuar

15:50 17/05/2022

Eurostat: I lartë edhe numri i divorceve në 2020

Shqiptarët renditen të parët në rajon, dhe të dytët në Europë për numrin më të lartë të martesave gjatë vitit 2020, kjo në raport me popullsinë.

Të dhënat e publikuara nga Eurostat tregojnë se gjatë pandemisë pati 6.16 martesa për 1 mijë banorë, që është pothuajse dyfishi i normës mesatare të Bashkimit Europian, prej 3.2 lidhjesh martesore. Hungaria zë vendin e parë me gati 6.9 martesa për 1 mijë banorë, ndërsa fundin e listës e mbajnë Italia, Portugalia, Spanja dhe Irlanda.

Krahas martesave, i lartë ishte edhe numri i divorceve mes çifteve shqiptare gjatë vitit të pandemisë. Sipas Eurostat në vitin 2020 u regjistruan 1.5 divorce për një mijë banorë, çka e bën Shqipërinë që sërish të renditet në krye të rajonit, dhe nga të parat në Europë. Pas saj vjen Bosnje – Hercegovina, Mali i Zi, Serbia dhe Maqedonia e Veriut.

Ndërsa në Europë rekord për ndarjen e mbajnë çiftet nga Letonia, Lituania dhe Danimarka. Tendenca europiane për rritjen e numrit të divorceve jo vetëm në pandemi, por edhe gjatë dekadës së fundit, sipas Eurostat lidhet me ndryshimin e strukturës së familjes.

Tv Klan













Të ngjashme