Xhensila Myrtezaj është një nga këngëtaret më të dashura për publikun shqiptar. Ajo ishte e ftuar këtë të shtunë në emisionin “Klanifornia” në Tv Klan.

Këngëtarja iu përgjigj pyetësorit të Marina Vjollcës, ku tregoi disa sekrete të vogla me Ajkën. Çifti Bes Kallaku dhe Xhesila Myrtezaj u bënë prindër për herë të parë një vit më parë.  

Marina Vjollca: Nëse në mesnatë je pa gjumë, çfarë bën?

Xhensila Myrtezaj: Dihet se çfarë bëjnë mamat. Unë personalisht shikoj a është djersitur goca, i heq ndonjë napë. E shikoj nëse është për t’u ndërruar, i jap për të pirë. Kështu që ndodh që kam një vit e gjysmë që s’para përshëndetem me gjumin.

Marina Vjollca: Përralla që i tregon Ajkës më shpesh?

Xhensila Myrtezaj: Se si u martua mami me një katunar nga Bubqi.

Marina Vjollca: Kur je vetëm për çfarë flet me Ajkën?

Xhensila Myrtezaj: I kam folur Ajkës që kur ishte në bark dhe i them që ta dojë veten shumë dhe të rritet me shumë dashuri dhe ta dashurojë gjithçka e rrethon.

Marina Vjollca: Për cilën pjesë të trupit je më krenare?

Xhensila Myrtezaj: Për Ajkën. Është pjesë e trupit tim.

Marina Vjollca: Gjëja më e çmendur për dashurinë?

Xhensila Myrtezaj: Që jam martuar me Bes Kallakun. /tvklan.al