Pas deklaratës së Presidentit Ilir Meta, ka reaguar menjëherë ministrja e Shtetit për Marrëdhëniet me Parlamentin, Elisa Spiropali. Në një postim në Twitter, Spiropali shkruan se është dakord me deklaratat e Metës, që Presidenti i takon Republikës, dhe jo Lulzim Bashës e Monika Kryemadhit. Për këtë arsye, thotë Spiropali, Presidenti Meta ka humbur të drejtën të qëndrojë në zyrë.
“Zoti Meta, jemi dakord me ju “Shqipëria është Republikë. Presidenti i takon Republikës dhe Republika u takon qytetarëve!”. Pikërisht për sa jemi dakord këtu, ju e keni humbur të drejtën të qëndroni në zyrën e Presidentit. Sepse Presidenti i takon Republikës jo Lulit dhe Monikës”.
Zoti Meta, jemi dakord me ju “Shqipëria është Republikë. Presidenti i takon Republikës dhe Republika u takon qytetarëve!”. Pikërisht për sa jemi dakord këtu, ju e keni humbur të drejtën të qëndroni në zyrën e Presidentit. Sepse Presidenti i takon Republikës jo Lulit dhe Monikës.
— Elisa Spiropali (@elisaspiropali) June 14, 2019
Presidenti Meta deklaroi sot se është zgjedhur në këtë detyrë nga një Parlament legjitim dhe jo nga ky i sotmi, duke thënë se “Presidenti i përket Republikës, Republika i përket qytetarëve”. /tvklan.al
