Stilistja sugjeron për pranverë/verën e ardhshme ngjyra të qeshura
Ka qenë rradha e Stella McCartney që të prezantonte koleksionin e saj për pranverë/verë 2023, me një skenë të ngritur në kopshtin e qendrës Pompidou në Paris.
Një linjë sensuale, me fustane të lehta sic stilistja i ka quajtur, pantallona me bel të shkurtër, shoqeruar me aksesorët e domosdoshëm, çantat e krijuara me lëkurë alternative dhe ekologjike.
Stil përditshmërie dhe I rehatshëm, krijuar enkas për brezin e ri por që prej vitesh po përqafohet nga të gjitha moshat, për shkak të komoditetit. Xhaketa over size, xhinse, lëkurë, jelekë të ngushtë për të nxjerrë linjat në pah, duke I qëndruar besnikë elegancës që Stella McCartney sjell gjithnjë në koleksionet e saj, edhe në veshjet asimetrike, e mbi të gjitha kostumet në ngjyra të çelëta.
Në fakt stilistja angleze sugjeron për pranverën e verën e ardhshme ngjyra të qeshura, nga e verdha, tek e kuqja e bluja, që sipas 51 vjecares, sjellin humor, që shoqëron dhe në përditshmëri, modernen me klasiken.
Klan News
