Stop – Emisioni 119 (sezoni 6)



Stop – Emisioni 119 (sezoni 6)

21:05 18/02/2021

Durres/ Denoncimi per per te semuren me covid/ qente e ngordhur Pogradec.

Një qytetar denoncon spitalin e Durrësit, për shkak se sic thotë, si nuk i kanë dhënë ndihmën mjeksore familjares së tij të prekur nga Covid 19.Në Drilon të Pogradecit kaë hedhur një tufë me qen të ngordhur, duke shkaktuar rrezik për përhapjen e infeksioneve në një kohë, që shëndeti i të gjithëve është në plan të parë për shkak të pandemisë së Covid 19.

Skandali/ Tenderi abuziv i byzylykeve elektronike, prokuroria fle mbi dosje.

Në vitin 2011 në vendin tonë u miratua ligji për mbikqyrjen elektronike për të gjithë personat, të cilëve u kufizohet lëvizja me vendim gjykate.Një pajisje elektronike, e quajtur byzylyk, do të monitoronte të gjithë personat e dënuar me arrest shtëpie, liri me kusht, shërbim prove, ndalim qëndrimi në një vend të caktuar, apo me urdhër mbrojtjeje.Aso kohe, në vitin 2016, sekretarja e përgjithshme e Ministrisë së Drejtësisë, Juliana Hoxha nxorri urdhrin për ngritjen e grupit të punës për caktimin e fondit limit për tenderin e mbikqyrjes elektronike.Në kohën që zhvillohej tenderi,kryeministri shkarkoi nga detyra ministrin e drejtësisë Ylli Manjani, duke e zëvendësuar me Petrit Vasilin.

Në 16 shkurt 2017 Komisioni i Ofertave doli me një raport përmbledhës mbi ofertat dhe Ministria e Drejtësisë shpalli fitues bashkimin e 3 operatorëve me vlerën rreth 234 milionë lekë të reja me TVSH.Pak muaj më vonë në krye të drejtësisë erdhi Gazmend Bardhi, i cili konstatoi mungesën e byzylykëve elektronikë dhe parregullsi në procedurat e tenderimit. Cështja u dërgua në prokurori, por kjo e fundit pushoi cështjen për tenderin abuziv në vlerën e 234 milionë lekëve të reja.

Gjykata Administrative: Fituesit te kthejne parate e tenderit te byzylykeve!

Prokuroria mbylli cështjen për tenderin abuziv të byzylykëve elektronikë. Por pak muaj më vonë, raporti i Auditimit të vetë Ministrisë së Drejtësisë konstatoi mungesë ligjshmërie për tenderin problematik.Nga ana tjetër edhe Ministria e Financave nëpërmjet një tjetër raporti, konstatoi një mori shkeljesh.

Pas gjithë këtyre fakteve, më në fund u regjistrua procedimi penal për shpërdorim detyre nga ana e funksionarëve të lartë të Ministrisë së Drejtësisë.Një tjetër provë, që tregon paligjshmërinë dhe shpërdorimin e fondeve publike është dhe një vendim Gjykatës Administrative, e cila detyroi bashkimin e 3 operatorëve, që t’i kthejë buxhetit të shtetit shumën e fituar për Mbikqyrjen Elektronike.







Të ngjashme