STOP – EMISIONI 198 (SEZONI 3)

Emision: 6.06.2018

450 euro për patentën e lundrimit, masa për pezullimin e kompanisë private.

Mbrëmjen e së martës, emisioni “Stop” transmetoi përmes kamerës së fshehtë, sesi mund merret në dorë leja për drejtimin e mjeteve lundruese me vetëm 450 euro dhe pa qenë asnjë ditë në kurs teorie apo praktike.

Drejtori i Kapitenerisë në Drejtorinë e Përgjithshme Detare Durrës, Paulin Ndreu deklaroi se ka nisur hetimi i dosjes së këtij qytetari, si dhe verifikimi i të gjitha procedurave që janë ndërmarrë për pajisjen e tij me leje drejtimi për mjete lundruese.

“Sapo u njohëm me materialin e emisionit “Stop” bëmë bllokomin e të gjithë dokumentacionit të përfituesit të patentës së mjetit lundrues. Sot kemi filluar hetimin e dosjes, kemi bërë verifikimet përkatëse të gjithë mënyrës sesi është proceduar me këtë rast. Nga hetimi doli që ka patur disa tentativa të mëparshme për abuzim për pjesëmarrjet, duke futur persona të tjerë në testim. Ishte pajisur nga një kompani tjetër dhe kërkoi nga një kompani tjetër të pajisej sërish. Si duket ka dashur ta bëjë në emër të dikujt tjetër”, tregoi Ndreu.

Ai gjithashtu tha se qytetarit do t’i revokohet automatikisht leja e drejtimit të mjetit lundrues, si dhe ka nisur dhe procedura për pezullimin e kompanisë private “Aca Albania”, drejtuesi i së cilës, Krenar Osmani i dha patentën e lundrimit një qytetari me para në dorë.

Kreu i DPDD shtoi se do t’i kërkojë Qendrës Kombëtare të Biznesit që kësaj kompanie t’i hiqet licenca, si dhe do të propozojë shkarkimin e zyrtarëve që kanë qenë në komision.

Drejtori Ndreu falenderoi emisionin “Stop” për evidentimin e këtij rasti, pasi ka ndihmuar në goditjen e fenomenit të korrupsionit në këtë institucion.

Çfarë transmetoi emisioni “Stop” mbrëmjen e së martës në lidhje me marrjen e një patente për mjete lundruese për vetëm 450 euro:

Faza e parë ishte takimi i qytetarit me agjentin, i cili i tregoi si funksionon patenta e marrë me para nën dorë.

Agjenti – Si ia kalove, ça bone? Qysh e ke kalu?

Qytetari – Dua 1 patentë skafi, si i bëhet o vëlla se s’ia kam idenë?

Agjenti – Si, si procedohet? Hajde flasim!

Qytetari – Hajde!

Agjenti – T’i sqaroj disa gjëra. Ti merr dosjen, t’i bëjmë te filani! Dosjen është filani që e bën.

Qytetari – Fotografi?

Agjenti – 4 fotografi!

Një kështu… i aftë për punë te mjeku ligjor dhe një fotokopje të kartës së identitetit ose të pasaportës.

Qytetari – Kartës identitetit dhe pasaporta. Sa mund të shkoj ajo?

Agjenti – 450 euro është çmimi real edhe i fundit. Me thënë te drejtën, unë jam agjent. Agjent me kuptimin që ndihmoj shokun tim.

Qytetari – Si është procedura tani? Si bëhet konkretisht?

Agjenti – Ti do sjellësh këto dokumentet!

Qytetari – Po!

Agjenti – Në momentin e caktuar, për shembull do të sjellësh këto dokumentet, ti do të takohesh po prapë me atë çunin, se normalisht do takohesh!

Qytetari – Po, mo po!

Agjenti – Dhe ai do të thotë për shembull, ka teori dhe praktikë, i njëjti proces siç është me makinat, po ne bëjmë procesin e detit.

Qytetari – Duhet të vij këtu unë tani prej Tirane?

Agjenti – Po ç’ke?! Mos e vrit mendjen se ato të tjerat i rregullojmë, plotëso këto dokumentet!

Qytetari – Ehë!

Agjenti – Kur të vish atë ditë…

Qytetari – Po provimi?

Agjenti – Sill ato edhe do të njoftojë për më tej ai!

Qytetari – Lekët duhet me ia dhënë të gjitha përnjëherë apo…?

Agjenti – Jo kesh jo, s’ka kesh fare, vetëm kur të mbarosh punë, do të sqarojë më mirë ai çuni.

Qytetari – Për sa ditë del ajo pastaj?

Agjenti – Po neve, këtyre çunave tani me të thënë të drejtën, ia kemi bërë për 7 ditë. Për një javë ta nxjerr.

Qytetari – A nuk ka procedurë kshu… vjen iher edhe…

Agjenti – Jo, jo, jo! Për 1 javë o burrë!

Qytetari – Tashi, pasi merrem me ju unë, ça bëj këtu? Thjesht marr kartonin?

Agjenti – Ç’ke o burrë, do të japim të marrësh kartonin në dorë. Ta marrim ne kartonin, ti i merr top nën dorë dhe mirupafshim!

Qytetari u takua me drejtuesin e shoqërisë “Aca Albania”, Krenar Osmani, i cili bëri pazarin dhe i tha që do t’ia bënte ai të gjitha legjitime, pavarësisht faktit që nuk dinte të lundronte.

Qytetari – Si je? Si kalove?

Krenar Osmani – Mirë! Si ia çove?

Qytetari – Bashkë kemi folur në telefon?

Krenar Osmani – Unë jam Krenari, ngaqë kam shumë edhe ashtu… Ti në çfarë lloji…?

Qytetar – Një patentë kështu… për këtë.. po a ka ndonjë…?

Krenar Osmani – Unë ta thashë dhe çmimin ty atë ditë, më duket!

Qytetari – Ma the, po 450 euro një çik shtrenjtë është me thënë të drejtën.

Krenar Osmani – Më vjen…, nuk kam asnjë lloj hapësire në ajër, të bëjë ndonjë ashtu sepse janë të gjitha, janë bërë me kurs kualifikimi, me trajnim me licencë.., nuk ka më nga ato që jepen përpara. Unë kam qenë që kam dhënë nga ato, që kanë qenë kështu.

Qytetari- Tani, kjo sa pi ujë? Domethënë me ik në ndonjë kështu, ndonjë Kroaci, Itali, a më the, të thash, Greqi a..?

Krenar Osmani – Kjo, kjo, kjo.., kjo pi ujë këtu!

Qytetari – Shqipëri?

Krenar Osmani – Në Shqipëri është…, nuk ka asnjë marrëveshje fare, që të njihen nëpër vende të tjera, por për patentë, unë vetë kam marrë skaf vetë në Mal të Zi me këtë lloj patente.

Qytetari – Kjo, kjo është ajo që ka shteti shqiptar.

Krenar Osmani – Diku, diku, kjo është legjitime, nuk ka…

Qytetari – Kjo është legjitime.

Krenar Osmani- Nuk ka asnjë lloj patente tjetër, është e regjistruar, është me certifikatë trajnimi, është e rregullt dhe për çdo gjë të përgjigjem unë për pjesën e legjitimitetit, tani më tepër tani…

Qytetari – Po, jo mo vëlla se unë s’ia kam idenë, unë erdhaaa..

Krenar Osmani – Përsa i përket aftësive, unë nuk e di, ti ke një mjet të vogël, del, lëviz?

Qytetari – Nuk di t’i jap. Nuk them dot, që jam unë, më jep mua skafin e madh! Ti mua, e kështu e yyyy, po boj unë, po njoh detin e më the, të thashë. Unë sa mundem të bëj. Prandaj të thashë dhe 450 euro shtrenjtë, o burrë!

Krenar Osmani- Ka qenë përpara lësho kartonin edhe ik dhe tashi po i hetojnë sepse janë lëshuar jashtë të gjitha kritereve. Unë kam diçka për vete, që bëj këtë punë, që lëshoj patentat..

Qytetari – Ke licencën ti?

Krenar Osmani – Po kam licencën.

Qytetari – U, më fal se harrova!

Krenar Osmani – Jam i ligjshëm, nuk jam se po ta lëshoj kështu edhe…

Qytetari – Si e ka emrin shoqëria jote?

Krenar Osmani- “ACA Albania”. Tani, nëse je i interesar, më thuaj Narit, unë të të regjistroj nesër!

Qytetari – Sa ditë mund të shkojë?

Krenar Osmani – Nesër është testimi, të premten unë të jap kartonin te dora, pastaj nëse ti ke nevojë për një provim…

Qytetari – Të premten?

Krenar Osmani – Po të premten, sepse ka një ditë në javë, që ka kështu komisione testimi.

Qytetari – Me thënë të drejtën, unë kam shumë punë dhe sot që kam ardhur në Durrës, kam ardhur gjithë kështu…

Krenar Osmani – Po atë pjesën, unë do ta bëj kështu.., pa qenë prezent.

Qytetari – Unë letrat i bëra se i mora që atë ditë.

Krenar Osmani – M’i jep! Ça ke, m’i jep! S’ke asnjë mundësi të vish, të paktën nesër një gjysëm ore vetëm?

Qytetari – Jo! Po s’e kam marrë se jam në punë o vëlla, më fik derën! Unë sot që kam ardhur, kam ardhur…

Krenar Osmani – Jo nesër, të mërkurën!

Qytetari – Nuk mund të vij asnjë ditë! Një ditë që mund të vij, më thuaj ti të vij, të kryej punë vëlla se do lej nam edhe në këtë rast, se nuk mundem dot!

Krenar Osmani – Mirë, mirë! Do të flasim!

Qytetari – Tani pagesat, gjërat i bëjmë atë ditë, që të gjithë?

Krenar Osmani – Në fund fare vëllai, kur të të jap unë kartonin!

Qytetari – Kartonin, do ma japësh ti kartonin?

Krenar Osmani – Unë do t’i bëj të gjitha!

Ditën e premte qytetari shkoi për të marrë patentën e lundrimit dhe për të bërë pagesën, por Osmani i kërkoi të mos i tregonte gjë njeriu, pasi është një procedurë e parregullt.

Krenar Osmani – Si kalove? Çkemi?

Qytetari – Kjo është letra?

Krenar Osmani – Kjo është certifikata ime, ajo e trajnimit! Kjo është patenta! Je, je iii blinduar…

Qytetari – Ça djali paskam dalë mo?! Po gjithë këtë, duhet ta marr me vete gjithmonë ëëë?

Krenar Osmani – Këtë! Kjo është!

Qytetari – Po kjo?

Krenar Osmani – Certifikata e trajnimit që ke bërë te qendra.

Qytetari – Që kam bërë te kompania.

Krenar Osmani – Te unë.

Qytetari – E marr vesh!

Krenar Osmani – Kjo është patenta, që do ta mbash me vete.

Qytetari – Tashi ku tëëë…, ku të jap? T’i jap këtu në rrugë?

Krenar Osmani – Në rregull në rregull, ne s’jemi, s’kemi bo ndonjë…

Qytetari – As….Numëroji vëlla!

Qytetari – Jo, or, jo! Po unë thashë…

Krenar Osmani – 1, 2, 3, 4, në rregull!

Qytetari – Hajde!

Krenar Osmani – I nderuar! Faleminderit! Tjeta!

Qytetari – Besoj se s’kam asnjë lloj problemi, asnjë gjë me këtë!

Krenar Osmani – Mos i thuaj njeriu që e ke bërë pa qenë prezent, nëse të bie ndonjë mik a ndonjë shok, sepse nuk është e rregullt. Normal, duhet të jesh prezent!

Qytetari – Pse? Sa shkon ajo?

Krenar Osmani – Bëhet testim këtu, po duhet të jetë personi vetë prezent!

Qytetari – Eëëë.., e marr vesh!

Krenar Osmani- Nuk…, janë raste…

Qytetari – E kuptoj, e kuptoj!

Krenar Osmani – Je rast, si të thuash….

Qytetari – E marr vesh, e marr vesh!

Krenar Osmani – I veçantë!

Qytetari – Ee e marr vesh, hajd t’ia kalosh mirë!

Pra mjaftojnë vetëm 450 euro dhe të gjithë mund të pajisen me një patentë lundrimi, pa kryer asnjë kurs e asnjë lloj testimi dhe pa patur asnjë lloj aftësi drejtimi në lundrim…

Rruga e Palasës si kalaja e Rozafës dhe skandali i një procesi gjyqësor.

Në prag të sezonit turistik dhe ambicies për zhvillimin e këtij sektori, rruga që të çon në Palasë është prishur. Kjo ka ndodhur sepse pronari që është shpronësuar një herë për shkak të interesit publik, ka sërish pretendime për pronën.

Rruga, që sot i është vënë fadroma, është ndërtuar në Korrik 2017 nga Fondi Shqiptar i Zhvillimit dhe pa u bërë viti, ajo është shkatërruar për çështje pronësie. Ndaj dhe investitorët e turistët detyrohen të kalojnë përmes një lëndine.

Gjithçka ka nisur në vitin 2001, kur ky qytetar ka blerë pasurinë mga shoqëria “Kamberi”, në zonën kadastrale 2863 Palasë, me sipërfaqe 5000 metrash katrorë, e regjistruar në nenin 116. Kjo pronë ka për origjinë VKM numër 111, datë 089.03.2001.

Por kjo e fundit nuk e ka njohur asnjëherë këtë shoqëri si pronar, pasi nuk e ka botuar në fletoren zyrtare. Ndaj dhe VKM numër 645, datë 21.05.2008, shfuqizoi të parin, duke rekomanduar mosvijimin më tej të pasuritë në fjalë, deri në zgjidhjen e origjinës së pasurisë.

Eksperti i Përmbarimit Shtetëror Vlorë konstatoi që kjo rrugë është shtet dhe pavarësisht kësaj e kanë prishur. Qytetari e ka çuar çështjen në Gjykatën e Shkallës së Parë dhe të Apelit, të cilat i dhanë të drejtë pa analizuar provat dhe pa kërkuar statusin e pronës, që rezulton tokë-shtet.

Gazetari i emisionit “Stop” komunikoi me gjyqtaren e Gjykatës së Shkallës së Parë Vlorë, Elona Mihalin, e cila preferoi të largohej pa kthyer asnjë përgjigje.

Gazetari – Genci Angjellari, Tv Klan, emisioni “Stop”. Doja të konsumoja një vendim, që ju keni thënë kohë më përpara, në lidhje me një rrugë në zonën e Palasës.

Gjyqtarja Elona Mihali – S’mund të pyesësh! Nuk mund të pyesësh kështu!

Gazetari – Jo! Është ideja që nuk kemi të saktësuar origjinën e pronës. Keni marrë një vendim nga hipoteka të tre muajve të fundit, për të parë pronën?

Ndërsa gjyqtarja Margarita Buhali nga Gjykata e Apelit vendosi ta lejë në fuqi dhe të ekzekutohet në formë të prerë nga Përmbarimi Shtetëror Vlorë.

Nga ana tjetër përmbaruesja shtetërore, Lindita Shaliani nxitoi të ekzekutojë vendimin, për të cilin gjatë bisedës me gazetarin tha se nëse gjykata do të shprehet për masë sigurie, rruga duhet kthyer në gjendjen e mëparshme.

Gazetari – Në lidhje me një ekzekutim të një rruge, që është bërë në Palasë, keni qënë ju përmbaruesja. Prishet një rrugë për interes të dikujt, që … edhe origjina e pronës thotë që nuk është e atij. Më kupton?

Përmbaruesja Lindita Shaljani – Është me vendim gjykate. Në momentin që unë kam vendimin, për mua është i padiskutueshëm dhe fakti që ju thoni nuk prisnit dot për sigurimin e padisë. Nuk presim dot ne. Në momentin që caktojmë datën, atë ditë duhet të paraqitem dhe po pata të gjitha kushtet e domosdoshme për ekzekutimin e vendimit, unë ekzekutoj vendimin, pavarësisht që pala mund të ketë bërë kërkesë për sigurim padie.

Gazetari – Po në qoftë se shprehet gjykata për veprimet përmbarimore?

Përmbaruesja Lindita Shaljani – Vendimi është ekzekutuar. Nesër gjykata mund të thotë që të anulohen të gjitha veprimet përmbarimore apo etj. Atëherë ne do i kërkojmë palës kreditore që ta anulojë, ta çojë në gjendjen e mëparshme prap, ta shtrojë, ta rregullojë….hhahahah.., kjo është.

Përmbaruesja Shaljani u shpreh se edhe nëse nuk do ta ekzekutonte vendimin e Gjykatës së Apelit, sërish do të kishte kryer shkelje. Por i kujt është faji? Apo sërish jetim…

Stop, Fundjava dhe studentët holandezë sigurojë proteza për të riun.

Genci Krashi, një i ri 24-vjecar, tregon se kur ishte vetëm 16 vjec, është përplasur me trenin, gjë që i ka shkaktuar humbjen e dy gjymtyrëve, krahut dhe këmbës së djathtë.Ai ka nevojë për proteza dhe “Fundjava ndryshe” bashkë me një grup studentësh holandezë, u ofruan për blerjen e tyre.Fëmijët e qendrave sociale në Shkodër e kanë festuar 1 qershorin, falë kontributit të lokal “Cavaliero” në Velipojë. Menaxheri i saj, Skënder Hekuri kërkoi ndërmjetësimin e “Stop” te kryebashkiakja Voltana Ademi dhe fëmijët u argëtuan në atmosferë festive.

Kategori
STOP
0 Komente

Përgjigju

*

*






Emisione