Shpikja turistike ne Bordo te Frances dhe pamjet qe ofron Vlora e Durresi.

Në Bordo të Francës ka nisur të qarkullojë një tramvaj turistik, që ka imituar ekzaktësisht një shishe vere nga kjo zonë.Më pas transmetojmë video nga zonat turistike në Shqipëri, që nga Durrësi e Vlora e deri tek lumi i Gjanicës, që ofrojnë për banorët e turistët plehra e ndotje në nisja të sezonit të pushimeve.

Denoncimi / ZVA Rroskovec eshte kthyer ne cerdhe korrupsioni e tarafesh.

Ndodhemi në qytetin e Rroskovecit, në shkollën 9 vjecare “Alush Grepcka”, pasi Mimoza Kola, ish-drejtoreshë në këtë shkollë, ka drejtuar në “Stop” ankesën e saj.Ajo tregon, se prej 30 vitesh ka në arsim si mësuese histori-gjeografie dhe prej 2018-ës si drejtoreshë e shkollës “Alush Grepcka”. Ajo flet për veprime tendencioze nga ana e Drap Fier dhe Zva Rroskovec, që e kanë shkarkuar me masa të ndryshme disiplinore.Masa e parë ka qenë për mësuesit e gjuhës, pasi nga Drap Fier u tha, se kishte më shumë mësues, se sa orë. Por Mimoza shpjegon, se përvec orëve të gjuhës ishin dhe orë të tjera që përfshiheshin si orë Veprimtari jashtë Klase, orë Arti Pamor etj. Në dijeni për ndarjen e orëve ishte drejtoresha e Zva-së Rroskovec, Brikena Cjapi. Kjo e fundit pranon, që ka patur dijeni, por thotë, që e ka në dorë Drap-i.Gjatë një inspektimi nga DRAP,Mimoza Kola tregon, se janë bërë disa rekomandime për planet vjetore dhe afatmesme, në një kohë kur po këto plane ishin miratuar nga Zyra Arsimore e Rroskovecit. Mimoza thotë, se pas këtij momenti nuk u prit gjatë, por u thirr nga Drap, për të zgjidhur kontratën e punës.Në shkollën në fjalëvazhdon të  punojë një mësuese e edukimit fizik, Mirela Kacili, pa dokumentacion të rregullt.Për të ZVA-ja i ka kërkuar të nxjerrë jashtë profilit, por sekretari i përgjithshëm i Ministrisë së Arsimit, Alqi Kushi,i ka kërkuar të mos ia zgjidhë kontratën.Zoti Kushi thotë, se nuk kujtohet për këtë rast.

Video regjistrimet/ Drejtoresha e ZVA-se Rroskovec merr para per emerime.

Për rastin e e mësueses së edukimit fizik në shkollën “Alush Grepcka” kemi biseduar me drejtoreshën e ZVA-së dhe ajo thotë, se dokumentat janë në rregull, duke na drejtuar te juristi.Juristja pohon, se mësuesja në fjalë është problematike dhe nuk i ka dokumentet në rregull.Si të mos mjaftojë gjithë kjo situatë kaotike, “Stop” ka siguruar regjistrime, ku mësueset në Rroskovec tregojnë, se drejtoresha e ZVA, Brikena Cjapi, u ka marrë para për emërime dhe po kështu u merr para nxënësve për provime.