Stop Tv Klan | Një format satiro-investigativ nga Saimir Kodra & Gentian Zenelaj.

Ekskluzive, mëkati që zhveshi Arben Ahmetajn nga çdo funksion

Ditën e djeshme kreu i PS-së Edi Rama shkarkoi ish numrin dy të qeverisë së tij edhe nga drejtimi politik i qarkut të Vlorës, Arben Ahmetaj. “Stop” ka zbuluar disa nga informacionet “më të nxehta” që cuan në shkarkimin e “Tigrit” të qeverisë dhe rënien e tij të shpejtë, drejt fundit.

“Nga maja e Olimpit ku Rama e kishte ngjitur t’i bënte shoqëri Arben Ahmetaj ka marrë dje goditjen e fundit që me gjasë duhet t’i ketë dhembur shumë. Kryetari i socialistëve e largoi ish-krahun e tij të djathtë edhe nga drejtimi politik i Qarkut të Vlorës, pozicion që e mbante prej një viti duke e zhveshur kështu nga çdo funksion ekzekutiv dhe politik që e kishte patur me bollëk. Ahmetaj ka qenë një prej emrave më jetëgjatë të qeverisjes socialiste që nga marrja e pushtetit në 2013-n. Ministër Ekonomie, pastaj Financash, rikthim në kabinet si zv/kryeministër pas tërmetit të 2019. Të njëjtat burime bëjnë me dije se Rama në atë mbledhje ka përdorur tone shumë të ashpra ndaj numrit 2 të tij duke e akuzuar për shitjen e dosjes së inceneratorëve tek opozita në këmbim në shumave të majme apo marrëveshjes që ai të mos vihej në bankën e të akuzuarve. Përpos të gjitha hamendësimeve se çfarë ka ndodhur me Arben Ahmetajn, ajo që duket është se “Tigri” është në rënie të lirë, rënie që nuk dihet se ku ka fundin”.

#stop28shtator #ArbenAhmetaj #mekatiBenit #drejtimiVlores #SaimirKodra #GentianZenelaj

Video e policëve: Një “kafe” ose në komisariat për vepra të turpshme!

Gazetarët e emisionit investigativ “Stop” u vunë në dijeni nga një qytetar, se në zonën e Kasharit, në mbrëmje, ndërsa kishte ndaluar në makinë me të dashurën, iu afruan disa policë. Denoncuesi shpjegon, se policët i morën para, duke i thënë, se në të kundërt, do t’i shoqëronin në komisariat për vepra të turpshme, edhe pse ai thjesht po diskutonte me partneren e tij.Por, ky nuk është rasti i vetëm. Një tjetër qytetare denoncon të njetjën situatë. Agjentët e emisionit “Stop”, nisur nga këto denoncime, zbarkuan në terren, në një prej zonave të përmendura në denoncim, pranë Casa Italia, mes Astirit dhe Kasharit.

Denoncuesi: Përshëndetje emisioni “Stop”! Jam një qytetar nga Tirana. Dua të ndaj një shqetësim me ju! Në zonën e Kasharit, në orën 9 a 10 të darkës, nuk e mbaj mend ekzaktësisht, kam qenë me të dashurën. Kam ndaluar aty, për të diskutuar një problem me shoqen time. Ju sugjeroj, që të shikoni policët, pasi janë shumë të korruptuar, vijnë e të marrin lekë pa arsye!

Denoncuesi: Po diskutoja dicka me të dashurën. Hapa krahun që të flisnim meqë ishim edhe në timon, hapa krahun aty, kur pas ca minutash na erdhën nja dy efektivë policie, na kërkuan dokumentet, ok, shumë bukur, ua dhamë. Jo po, çfarë doni këtu? Do t’ju shoqërojmë në komisariat. Çfarë e ke këtë gocën ti? Çfarë po bën ti me këtë gocën? Po, hiç, çfarë po bëjmë, i thashë. Ashtu patëm një gjë për të diskutuar dhe po diskutojmë. Jo, do t’ju çoj në komisariat. Po hë, o shef, i thashë, se është turp të na çosh në komisariat, pa asgjë, pa kështu… E nejse, tha. Mendoje vetë, tha. Kisha ca lekë në xhep aty, s’e mbaj mend se sa 40 a 35 mijë lekë, s’e mbaj mend mirë tani, aq sa kisha ua dhashë. E mirë, tha, mos hajdeni më këtu, tha, se bëhen veprime të turpshme. Madje, erdhën me makinë private. Kanë qenë më makinë private, zbritën aty e filluan me të gjithë me radhë, që ishin aty. Ne s’lëvizëm nga vendi, sepse mendonim, se nuk po bënim gjë.

Po ky nuk është rasti i vetëm. Një tjetër qytetare denoncoi të njëjtën situatë.

Denoncuesja: Ne kemi qenë në një zonë të Tiranës me të dashurin, duke diskutuar për diçka dhe në një moment na afrohen efektivët e policisë. Sipas tyre, biseda, që ne po bënim në atë moment në mjetin tonë, ishte një sjellje e pahijshme në një ambient publik. Ne dëshiruam që ta diskutonim dhe ta sqaronim, pasi, fundja, unë jam një vajzë dhe po ta merrte vesh familja ime do kishte një situatë tjetër. Efektivët kërkuan ryshfet. Sigurisht, që morën dhe unë nga kjo u habita, pasi supozohej, se në fakt nuk ishte një sjellje e pahijshme. Ne ishim brenda në mjet duke diskutuar, si çdokush tjetër, që mund të diskutojë jashtë, në ambient rruge ose në makinë.

Agjentët e emisionit “Stop”, nisur nga këto denoncime, zbarkuan në terren, në një prej zonave të përmendura në denoncim, pranë “Casa Italia”, mes Astirit dhe Kasharit.

Efektivi i policisë: Mirëmbrëma! Si jeni?

Agjenti i “Stop”: Si jeni? Mirë?

Efektivi i policisë: Si kaluat?

Agjenti i “Stop”: Mirë! Si kaluat ju?

Efektivi i policisë: Ku rrini? Ku banoni?

Agjenti i “Stop”: Këtu në Tiranë!

Efektivi i policisë: Ule pak xhamin! Ku banoni?

Agjenti i “Stop”: Në Tiranë!

Efektivi i policisë: Po zonja?

Agjentja e “Stop”: Tiranë!

Efektivi i policisë: Na jepni ndonjë dokument identifikimi! Uli pak xhamat mbrapa! Çfarë po prisni këtu?

Agjenti i “Stop”: Po rrimë!

Efektivi i policisë: Na jepni ndonjë dokument identifikimi.

Agjentja e “Stop”: Patentë?

Pa asnjë provë dhe jashtë çdo standardi këta efektivë akuzuan dy të rinjtë që në këtë rast ishin agjentët tanë që thjesht po qëndronin në mjetin e parkuar. Policët u morën 20 mijë lekë “për kafe”, në të kundërt do t’i shoqëronin në komisariat, të akuzuar për vepra të turpshme, derisa të vinte e t’i merrte familja.

Efektivi i policisë: Ec përpara…!

Agjenti i “Stop”: Ku do më çosh?

Efektivi i policisë: Në komisariat për verifikim!

Agjenti i “Stop”: Po shoqe e kam, çfarë e kam?

Efektivi i policisë: Çfarë ke ndonjë gjë të paligjshme brenda?

Agjenti i “Stop”: Po hajde, kontrolloje, po pati gjë…!

Efektivi i policisë: Pyes!

Agjenti i “Stop”: Po nuk kam gjë, o shefi!

Efektivi i policisë: Po hë, mos u nxito tani! Është turp. Është turp. Është turp, o vëlla. Të mbaj  deri në 11 në komisariat, të vijë të të marrë familja!

Agjenti i “Stop”: Po më pe në këtë vend, ose në ndonjë vend tjetër jashtë… se qenka problem i madh.

Efektivi i policisë: Na sill ndonjë kafe dhe ik!

Agjenti i “Stop”: Të të jap ndonjë njëzetëshe, se nuk kam shumë!Efektivi i policisë: Ik! Lëviz, që këtej, se do vijë shërbimi tjetër dhe…

#stop28shtator #videopoliceve #shantazhipolicise #policiaKashar #SaimirKodra #GentianZenelaj

E implikuar në skandalin seksual të Bocit, ikën nga drejtësia Blerta Cibuku

Pas Don Zhuanit të drejtësisë, Guximtar Boci, ish kreu i gjykatës së Gjirokastrës, edhe kolegia e tij, Blerta Cibuku, u përjashtua nga rradhët e drejtësisë.Cibuku nuk e ka kaluar vettingun, pasi është gjetur me probleme edhe në kriterin e pasurisë.Gjyqtarja është bërë objekt i emisionit Stop, në vjeshtën e vitit 2016, pas denoncimit të skandalit seksual të gjyqtarit Guximtar Boçi. Ky i fundit i kërkonte favore seksuale një gruaje në proces divorci, në këmbim të ndërhyrjes tek bashkëpunëtorja e tij Cibuku, në ndarjen e pasurisë.

#stop28shtator #gjyqtarjaGjirokastres #BlertaCibuku #SaimirKodra #GentianZenelaj