Vaksinimi ne Shqiperi me hapin e breshkes.

Në Shqipëri procesi i vaksinimit ka hyrë sot në ditë e tretë, por në dy ditët e para janë vaksinuar vetëm 128 persona nga bluzat e bardha. 

Akti monstruoz me pacienten me covid, pranga sanitares Tire Alldervishi.

Ditën e djeshme emisioni “Stop” publikoi një rast skandaloz korrupsioni në spitalin Covid 2.Vajza e një zonje 55 vjecare, e cila humbi betejën me covid pas 28 ditësh lufte me këtë sëmundje, denoncoi faktin, se një sanitare e këtij spitali, Tire Alldervishi,duke u hequr si infermiere, i ka marrë rreth 8 milionë lekë të vjetra për shërbimet ndaj nënës së saj.Komunikimet mes vajzës së të ndjerës dhe punonjëses së spitalit “Shefqet Ndroqi” tregonin qartë abuzimin me detyrën në spital dhe pazarin me jetën e pacientes.E ndjera ishtë ankuar, se Tirja i ka hequr bukën, ujin dhe nuk e ka ndërruar, për shkak se të gjitha nevojat personale, ajo detyrohej t’i kryente në krevat.Ministria e Shëndetësisë dhe Mbrojtjes Sociale lëshoi një deklaratë, ku dënoi me forcë veprimin e paligjshëm dhe korruptiv, të sanitares sē spitalit “Shefqet Ndroqi”.Gjatë ditës së mërkurë ka reaguar edhe vetë Spitali Universitar “Shefqet Ndroqi”, duke shkarkuar sanitaren dhe dënuar aktin e saj. Ndërkohë paraditen e të mërkurës është arrestuar sanitarja 58 vjecare Tire Alldervishi, që i mori qytetares 8 milionë lekë për t’i shpëtuar nënën nga koronavirusi, por që e kishte lënë të vdiste, duke mos i dhënë as bukë e as ujë. Vijojnë hetimet për identifikimin e personave të tjerë të implikuar në këtë veprimtari kriminale”,sipas njoftimit të policisë.

Stop/Mori gjobe dhe e pagoi, shkresa i shkon nje muaj pas pageses.

 Më 9 dhjetor emisioni Stop solli rastin e qytetarit Antonio Dajci, i cili ishte gjobitur në muajin shtator nga Policia Rrugore për xhamat e zinj dhe për këtë arsye do të dilte në komision. Për shkak të pandemisë, komisionet u mbyllën dhe u zhvilluan online përmes platformës “e-albania”. Por sipas qytetarit, gjoba s’doli në kohë dhe ai e pagoi më datë 16 tetor me kamatë-vonesë.Pas interesimit tek policia rrugore, ajo ia kalon fajin qytetarit, që s’di të futet tek “e-albania”. Vetëm një ditë pas transmetimit të këtij rasti në Stop, dhe dy muaj pas pagesës së gjobës, policia e Kamzës e njoftoi Antonion për vendimin e marrë për të, duke i dorëzuar më 10 dhjetor 2020,shkresën që mbante datën 10 nëntor 2020.Antonio thotë, se nuk e kupton, se c’vlerë ka ky njoftim për të tani, një muaj pasi e ka paguar gjobën.