Në 8 Prill emisioni “Stop” transmetoi rastin e Bledar Teferiçit, i cili është mësues historie në profesion. Ai ka një eksperiencë 15-vjeçare në mësimdhënie si dhe ka pasur disa ekspereicna e të tjera si drejtues.
Teferiçi për nëntë vjet me radhë ka drejtuar Shkollën Profesionale “26 Marsi” në Kavajë. Por Ministria e Financave, me anë të një urdhri të dy viteve më parë, e liroi nga detyra për mospërputhje të kritereve të pozicionit të punës.
Teferiçi iu drejtua Gjykatës së Rrethit Gjyqësor të Kavajës, e cila vendosi, që ministria t’i paguajë dëmshpërblim, për shkak të prishjes së kontratës në mënyrë të pajustifikuar, gjithsej 18 muaj pagesë.
Po kështu, gjykata kërkoi kthimin e Bledar Tefericit në vendin e punës, ose në një pozicion paralel. Gjykata e Apelit Durrës la në fuqi të njëjtin vendim. Por Teferici nuk u fut në punë dhe nuk u dëmshpërblye.
Pas interesimit të përsëritur të emisionit “Stop” në Agjencinë Kombëtare për Punësim dhe Aftësi dhe Ministrinë e Financave, Bledar Teferici arriti të fitonte të drejtën e tij dhe të ulet në zyrën e drejtorit të shkollës “26 marsi”, Kavajë.
Emisioni “Stop” iu drejtuar me një shkresë zyrtare Ministrisë së Financave dhe përgjigja që mori ishte se kishin nisur procedurat per Bledar Tefericin.
Punonjësi: Do bëhet një shkresë, do bëhet një procedurë dhe do procedohet me Bledarin. Kaq më thanë, kaq mund t’ju them!
Gazetari: Më nxirr dikë tjetër!
Punonjësi: Pa qenë unë aty, nuk mund të bësh intervistë, se është këshilltare për median. Ditën e martë, mund të vijnë.
Gazetari: Nuk tallet njeri më me Stop-in, me mua, me askënd!
Pas kësaj bisede dhe këtij premtimi, “Stop” shkoi sërish tek Ministria e Financave, ku këtë herë gjetën Drejtorin e Burimeve njerëzore si dhe zëvendës ministren.
Drejtori i Burimeve Njerëzore: Në proces është. Ju e dini, që gjatë gjithë kësaj kohe ka qenë rrëmujë. Nuk ta them dot, sot ose nesër. Ministrja është në Parlament.
Zëvendësministrja, Dajna Sorensen: As kam qenë e përfshirë në emërimin e zotërisë, as në shkarkimin e zotërisë.
Gazetari: Gjërat janë gati, edhe propozimi është bërë nga AKPA-ja.
Zëvendësministrja, Dajna Sorensen: Nuk ka ardhur tek unë. Pyete, mua ma ka dërguar apo jo?
Gazetari: Nuk jeni ju zëvendësministrja e linjës? Ju jeni zëvendësministrja, ju lutem, me aq kompetencë…E bëni dot, vetëm kaq, t’ia përcillni ministres fjalën tonë?
Zëvendësministrja, Dajna Sorensen: Kur të vijë, komunikoni me të!
Gazetari: Edhe sa herë të tjera do vij unë këtu?
Këshilltarja për media: Derisa të mbarojë procedura.
Drejtori i Burimeve Njerëzore: Jo, nuk do vish fare këtu! Do të njoftojmë vetë!
Këshilltarja për media: Pse duhet të vish ti?
Por edhe pse sërish nga Ministria e Financave nuk u zgjidh problemi, shqetësimi shkoi deri tek ministrja, Anila Denaj, e cila mori vendimin e kthimit në punë të Teferiçit.
Tashmë Teferiçi është rikthyer sërish në vendin e tij të punës ashtu siç gjykatat kishin vendosur për të, pasi vendimi për ta larguar nga puna ishte i padrejtë./tvklan.al