Studim: Fëmijët e birësuar mund të na ndihmojnë të jetojmë më gjatë



Studim: Fëmijët e birësuar mund të na ndihmojnë të jetojmë më gjatë

11:38 12/04/2021

Çdo vit, rreth 60,000 fëmijë adoptohen nga familjet amerikane. Kjo do të thotë që 1 në 50 fëmijë që janë në pritje të birësimit gjejnë një familje të dashur dhe mbështetëse. Ne e dimë që një fëmijë duhet të jetë me shumë fat që të birësohet sepse jo të gjithë e bëjnë, por shkencëtarët sugjerojnë që prindërit birësues janë po aq me fat që i kanë në jetën e tyre duke u bazuar në studimet që ata kanë bërë sipas Bright Side.

Adoptimi i një fëmije mund t’ju shtojë jetën deri në 3 vite

Rezultatet nga një studim tregojnë se gratë që kanë një fëmijë të adoptuar kanë një normë vdekshmërie dukshëm më të ulët sesa ato pa fëmijë. Dhe shkalla e vdekshmërisë bëhet edhe më e ulët për gratë me 2 fëmijë të adoptuar. Studimi madje tregoi gratë që kanë një fëmijë të adoptuar bëjnë 3 vite jetë më shumë dhe gratë që kanë 2 ose tre fëmijë të adoptuar jetojnë 5 vite më gjatë.

Në të njëjtin studim, rezultatet për baballarët adoptues janë shumë të ngjashme me ato të nënave, duke treguar se baballarët me fëmijë të adoptuar kanë një normë më të ulët vdekshmërie sesa ata me fëmijë biologjikë.

Duke adoptuar, ju ndihmoni një fëmijë të gjejë një shtëpi të ngrohtë plot dashuri, e cila mund të ndikojë pozitivisht në shëndetin tuaj të përgjithshëm.

Sapo të hapni derën e shtëpisë tuaj për një fëmijë në nevojë, kjo do të thotë që ju angazhoheni me dëshirë të ndihmoni dhe të kujdeseni për dikë në jetën tuaj të përditshme. Por kjo është një gjë e mirë, pasi do të përjetoni ndjenjën e të qenit i nevojshëm, i dashur dhe i vlerësuar. Dhe studimet madje kanë treguar se ndihma dhe kujdesi për të tjerët mund të ju ndihmojë të jetoni më gjatë.

Hyrja në botën e prindërve do t’ju ndihmojë të nxisni ndryshime pozitive në stilin e jetës tuaj.

Duke ditur se zhvillimi i një fëmije varet nga ju mund t’ju inkurajojë të bëni një jetë më të shëndetshme dhe të përvetësoni zakone më të shëndetshme. Gatimi i vakteve të shëndetshme në shtëpi, oraret e rregullta të gjumit, mbajtja e shtëpisë tuaj të pastër për hir të fëmijës suaj janë vetëm disa nga gjërat e panumërta që jo vetëm që do të formojnë jetën e fëmijës suaj për mirë por edhe tuajin.

Sipas një studimi, prindërit birësues kishin më pak të ngjarë të kishin aksidente dhe të vuanin nga sëmundje të qarkullimit të gjakut sesa njerëzit pa fëmijë.

Ndonjëherë, edhe nëse jeni në gjendje të keni fëmijë biologjikë, birësimi mund të jetë një mundësi më e sigurt.

Nëse keni kushte themelore shëndetësore që mund të çojnë në një shtatzëni me rrezik të lartë dhe mund të rrezikojnë mirëqenien tuaj, birësimi i një fëmije mund të jetë mënyra më e sigurt për të krijuar një familje. Kjo do të thotë që ju do të keni akoma mundësinë të përjetoni bekimin dhe gëzimin për t’u bërë prind dhe do të qëndroni të shëndetshëm në të njëjtën kohë.

Bonus: Adoptimi i një fëmije me një përkatësi të ndryshme etnike dhe kulturore mund të ketë një ndikim pozitiv në shëndetin tuaj mendor.

Prindërit që kanë të birësuar ndërkombëtarë me ligj, duhet të përfshijnë aspekte të kulturës origjinale të fëmijës dhe madje të krijojnë miqësi me njerëz të së njëjtës etni si fëmija. Njohja e kulturave të ndryshme mund të rrisë kreativitetin tuaj, i cili mund të zvogëlojë stresin dhe depresionin dhe madje të lehtësojë shfaqjen e sëmundjes kronike. /tvklan.al







Të ngjashme