Shkencëtarët italianë kanë zbuluar se koronavirusi Covid-19 ka qenë në Itali që në muajin Dhjetor 2019, shumë kohë përpara se të konfirmoheshin zyrtarisht rastet e para.
Sipas studiuesve, ujërat e zeza në dy qytete të mëdha të vendit përmbanin gjurmë të koronavirusit. Instituti Kombëtar italian i Shëndetit zbuloi se ujërat nëntokësor në Milano dhe Torino tregonin gjurmë të virusit që më 18 Dhjetor.
Ekspertët ekzaminuan 40 mostra të mbledhura nga impiantet e përpunimit të ujërave të zeza në Italinë veriore në periudhën Tetor 2019 – Shkurt 2020. Analizat për muajin Tetor dhe Nëntor 2019 nuk gjetën gjurmë të virusit. Shkencëtarët thonë se ky zbulim mund të ndihmojë për të kuptuar se si filloi të përhapej koronavirusi në Itali.
Ky raport shton akoma më shumë dyshimet se virusi ka qarkulluar më herët nga sa mendohej. Kina, vendi nga u përhap koronavirusi, konfirmoi rastet e para të pacientëve të infektuar në fund të Dhjetorit 2019.
Ndërsa në Itali rasti i parë ishte në mes të muajit Shkurt 2020. Në Maj 2020, shkencëtarët francezë thanë se disa analiza që ju bënë një pacienti, i cili ishte trajtuar për pneumoni në Paris më 27 Dhjetor 2019, mund të ketë qenë i prekur nga Covid-19.
Po kështu, edhe në Spanjë disa studiues zbuluan se në ujërat e zeza në Barcelonë gjetën gjurmë të virusit 40 ditë përpara se të raportohej rasti i parë. /tvklan.al
