Sipas një studimi të kryer së fundmi rezulton se një në tre femra vuajnë nga vetmia.
Ky studim është kryer nga disa studiues në Universitetin e Essex, në Mbretërinë e Bashkuar, të cilët shprehen se femrat po përjetojnë më shumë probleme me shëndetin mendor, se sa meshkujt gjatë kësaj periudhe.
Sipas tyre shkak është bërë situata e krijuar nga pandemia dhe rritja e përgjegjësive të femrave, për sa i përket kujdesit për familjen dhe shtëpinë.
Studimi zbuloi se më shumë se një e treta e grave kanë raportuar se ndjehen të vetmuara si pasojë e situatës.
Studiuesit u shprehën se që nga fillimi i pandemisë Covid-19, mirëqënia mendore është përkeqësuar dhe kjo gjë është veçanërisht e dukshme tek femrat./tvklan.al
