Studiuesi grek: Vendimi i Hagës për detin do të jetë historik



Studiuesi grek: Vendimi i Hagës për detin do të jetë historik

21:40 25/10/2020

Babai i doktrinës greke për detin, Theodoros Karyotis, e konsideron një lëvizje gjeniale vendimin e Dendias që të shkohet në Hagë për zonat ekskluzive detare me Shqipërinë.

“Ishte një surprizë shumë e këndshme dhe një vendimi gjenial ai i qeverisë greke për të apeluar në Gjykatën Ndërkombëtare të Drejtësisë në Hagë (ICJ), për caktimin e kufijve të EEZ me Shqipërinë. Nëse do të rifillonim negociatat, Shqipëria nën presionin e Turqisë do të na bënte të vuanim e zvarriteshim në kohë pa afat. Nga Haga gjithashtu përfiton nga Shqipëria, e cila shmang presionin e ashpër të Turqisë për të mos rënë dakord me Greqinë. Vendimi i Hagës do të jetë historik për ne, sepse dyshoj se mënyra e demarkacionit do të jetë e ngjashme me atë që do të zbatohet edhe me Turqinë. Ishujt Diapontia në veri të Korfuzit duken si kompleksi Kastellorizo, në jug të Rodosit”.

Karyotis i rikthehet marrëveshjes së vitit 2009.

“Shqipëria pranoi asokohe qëndrimin e Greqisë se të gjithë ishujt në rajon kanë të drejta të plota, ashtu si edhe brigjet kontinentale. Kufiri mes Shqipërisë dhe vendit tonë është mes brigjeve të Sarandës dhe Himarës nga njëra anë dhe Korfuzit dhe ishujve Othonoi, Erikusa, Mathraki nga ana tjetër. Çështja e vetme në pritje do të ishte një marrëveshje mbi pikën tre-kombëtare, ku ZEE-të e Greqisë, Shqipërisë dhe Italisë përkojnë.  Turqia bëri gjithçka që ajo është marrëveshja të anulohej nga shqiptarët, sepse krijonte një precedent negativ për interesat e saj pasi në Egje do të merrte vetëm 2.5% të shelfit kontinental krahasuar me 97.5% të Greqisë. Me marrëveshjen e vitit 2009, Shqipëria mori 1,365,29 sq.km ose 50.87% të shelfit kontinental kundrejt 1,318,45 sq.km. ose 49,13%, që është përqindja më e lartë që Shqipëria mund të marrë në bazë të së drejtës ndërkombëtare”.

Metoda e përdorur për të përcaktuar zonat detare bazohet në Traktatin Ndërkombëtar të Montreux. Ekzistojnë dy metoda. Në 96% deri 98% të rasteve, zbatohet ajo që aplikohet në rastin tonë dhe quhet metoda e rregullit proporcional dhe mund të kontrollohet nga kushdo që ka njohuri themelore të gjeometrisë dhe topografisë.

Metoda e dytë, e cila u zbatua në më pak se 2% të rasteve, është metoda e gjireve që depërtojnë thellë në tokë. Çfarë kërkon metoda e dytë? Kërkon që të dy palët të bien dakord se sa do të marrë njëra dhe sa tjetra. Në Evropë, kjo praktikë është zbatuar në 2 ose 3 raste. Në një rast, midis Gjermanisë dhe Danimarkës, ku Gjermania pranoi kërkesat e Danimarkës.

Klan Plus




Të ngjashme