“Sulltanesha Kosem”, Tv Klan nis transmetimin e serialit më të kushtueshëm të të gjitha kohërave

“Sulltanesha Kosem”, Tv Klan nis transmetimin e serialit më të kushtueshëm të të gjitha kohërave

21:03 14/10/2017

Tv Klan nis të martën transmetimin premierë të serialit “Sulltanesha Kosem”, një superprodhim madhështor nga kompania që prodhoi “Sulejmani i Madhërishëm”, bazuar në historinë pas tri dekadash.

Sulltani Ahmed, lindur 24 vite pas Sulltan Sulejmanit, është i riu i vendosur në fronin e lakmuar. Sulltani i vetëm që theu rregullat, një dashuri e madhe që lindi nga një pikturë.

Dhe dëshirat e sulltanit plotësohen, grekja bukuroshe merret skllave dhe sillet në harem për t’u bërë më pas Sulltanesha Mahpeyker Kosem, në kohën që Perandoria Osmane ishte në kulmin e saj.

Anastasia, (Emri grek i Kosemit) mbart dëshpërimin e trashëguar brenda sarajeve të Sulltanit që sundonte botën. Errësira e fshehur pas shkëlqimit të bizhuve të grave brenda në harem.

Dashuria e madhe e Sulltanit, Ahme Han, nëna e tre sulltanëve, sulltanesha më e dashur nga populli. “Sulltanesha Kosem”, gruaja më e fuqishme e të gjitha kohërave në lindje, që la gjurmë në histori, me një kastë aktorësh të shkëlqyer, kryesuar nga e mirënjohura Beren Saat. Seriali më i kushtueshëm i të gjitha kohërave, prodhim i vitit 2016 – 2017, “Sulltanesha Kosem”, premierë absolute në Tv Klan dhe Klan HD.

“Sulltanesha Kosem” në tri periudha të ndryshme të jetës luhet nga një greke e quajtur Anastasia Tsilimpiou, më pas nga Beren Saat (e njohur si Jamuri tek “Hakmarrje” ) dhe në fund nga Nurgul Yesilcay (Gylsereni tek “Fate të Kryqëzuara”).

Ndërkohë aktorët Ekin Koç, Boran Kuzum, Taner Olmez, Metin Akdulger dhe Tugay Merca luajnë rolet e sulltanëve në kohë të ndryshme në dinastinë Osmane.

Po ashtu, pjesë e aktorëve të dalluar janë Hulya Avsar, një prej më të përfolurave prej dekadash në Turqi, Tulin Ozen, Leyla Feray, Farah Zeynep Abdullah, Aslihan Gurbuz etj.

Pjesët e para të serialit janë xhiruar në ishullin Kios të Greqisë, teksa një fragment i serialit është shfaqur edhe në Cannes të Francës gjatë Festivalit ndërkombëtar të MIPCOM.

Që prej nisjes së transmetimit në kanalet turke, “Sulltanesha Kosem” është shitur në shume shtete duke korrur sukses të jashtëzakonshëm.

Tims Production, kompania e cila ka vendosur një standard të ri në serialet turke që me “Sulejmanin e Madhërishëm” ka ndërtuar një shesh xhirimi gjigant prej 28 500 metrash katror.

Seriali “Sulltanesha Kosem” ka tërhequr edhe vëmendjen e medias ndërkombëtare. Sheshi i xhirimeve është vizituar nga shumë gazetarë të huaj, përfshirë edhe Simon Reeve, një nga më të rëndësishmit e prestigjiozes amerikane “The New York Times”.

Gazetari i cili kishte mbërritur në Turqi për disa intervista me producentët dhe aktorët, luajti edhe një pjesë të vogël në serial./tvklan.al

Grupi
LAJMET
Të ngjashme
Grupi