Policia hollandeze ka qëlluar mbi një person i cili dyshohet se ka kryer një sulm në një stacion hekurudhor në Amsterdam.
Dy persona kanë mbetur të therur pranë qendrës historike të kryeqytetit holandez.
Sipas
Daily Mail
, nuk dihet ende nëse sulmi është një akt terrorist.
“Një i dyshuar është qëlluar pas një incidenti me thikë në stacionin qendror të Amsterdamit”, tha policia holandeze në Twitter.
Megjithatë, pak më vonë policia përditësoi njoftimin duke thënë se nuk ishte kryer një evakuim i plotë dhe se vetëm dy platforma janë mbyllur për pasagjerët.
Dy të plagosurit janë transportuar për në spital ndërsa autori i dyshuar është arrestuar dhe dërguar për t’u trajtuar pasi mbeti i plagosur nga policia.
E premtja është një nga ditët më të ngarkuara të javës në Amsterdam, me shumë turistë që mbërrijnë për të kaluar fundjavën./tvklan.al
