Ministri i Jashtëm i Turqisë Mevlut Cavusoglu, tha këtë të mërkurë se Turqia do bëjë ç’të jetë e mundur për sigurinë pas sulmeve nga kurdët e Sirisë.
Turqia tha se policët në rajonin verior të Sirisë ishin sulmuar me raketë këtë të dielë nga forcat kurde, që Turqia i njeh si grupe kriminale.
Duke folur për një konferencë për shtyp në Ankara, Cavusoglu tha se SHBA dhe Rusia nuk e kanë mbajtur premtimin për të tërhequr forcat kurde nga zona kufitare e Sirisë.
“Meqenëse ata nuk po i mbajnë premtimet e tyre, ne do të bëjmë atë që është e nevojshme për sigurinë tonë”, tha Ministri.
Turqia kontrollon një pjesë të veriut të Sirisë dhe është kundër mbështetjes që SHBA u jep forcave kurde. /tvklan.al
