Izraeli ka shpallur gjendjen e jashtëzakonshme në qytetin qendror të Lod pas sulmeve me raketa të ndodhura një natë më parë nga Palestina. Dje konflikti mes Izraelit e Palestinës u intensifikua dhe mes dy vendeve u lëshua një shi raketash, të cilat kanë shkaktuar dëme të shumta.
Militantët palestinezë lëshuan qindra raketa në Izrael, ndërsa ky i fundit u kundërpërgjigj duke kryer sulme të mëdha ajrore në Gaza. Deri tani bëhet me dije se kanë vdekur 40 civilë dhe qindra të tjerë janë të plagosur.
Ushtria izraelite ka deklaruar se gjatë ditëve të fundit janë hedhur mbi 1 mijë raketa nga Palestina dhe konfliktet janë përshkallëzuar shumë.
Nga ana tjetër palestinezët kanë deklaruar se synojnë qytetin Tel Aviv, si një përgjigje për sulmin ajror kundër tyre që u krye nga Izraeli në Rripin e Gazës.
Tashmë kur konflikti po vijon prej disa ditësh, numri i viktimave po rritet dhe lagje të tëra janë shkatërruar nga sulmet ajrore me raketa./tvklan.al
