Drejtuesja politike e PD në degën 3 në Tiranë, Jorida Tabaku, u takua me biznese në zonën e Brrylit ku pa nga afër krizën e thellë që po kalon biznesi i vogël dhe i mesëm. Shumica e tyre i thanë Tabaku se ka rënë konsumi i produkteve bazë. Madje sipas tyre kriza e thellë ka prekur edhe bukën.
“Edhe shitja e bukës është copë-copë. Çdo gjë është copë-copë. Konsumi është absolutisht shumë i dobët, pasi qytetarët nuk kanë lek të blejnë”, thonë njëzëri të gjithë bizneset bukës.
Tabaku iu shpjegoi bizneseve se programi i propozuar nga PD synon shpëtimin e ekonomisë. Sipas saj gjatë 8 viteve të qeverisjes së Ramës, ekonomia, biznesi, familja shqiptare dhe gjithë Shqipëria ka mbetur në vendnumëro.
“Ne kemi punuar për të nxitur një program për biznesin. Por problemi kryesor është nxitja e konsumit është shpërndarja e pasurisë është vlerësimi i punës është ajo që ju ngriheni në mëngjes herët edhe mbyllni ditën edhe nuk i mbuloni dot shpenzimet. Ne kemi hartuar një program për biznesin që ka në qendër familjen edhe biznesin e vogël. Po nuk qe mirë ti nuk është mirë ekonomia. Ky është problemi. Me 26 prill do të fillojmë që të krijojmë një qeveri për njerëzit. Gjëra normale të vogla që ndryshojnë jetën tënde. Ne kemi menduar një plan që ka në qendër biznesin familjar. Pasi ekonomia nuk është mirë sepse nuk ka konsum, nuk ka prodhim dhe nuk qarkullon. Sepse këtu jepen vetëm tendera dhe koncesione edhe ky është problemi kryesor”, tha Tabaku gjatë takimeve me bizneset në zonën e Brrylit në Tiranë./tvklan.al
