Pandemia reduktoi me 10 herë vizitorët
Ky sezon turistik i ndikuar nga pandemia, ashtu siç ishte parashikuar, priti një numër të ulët turistësh të huaj në Parkun Kombëtar të Karavastasë. Nga 200 mijë turistë në total të numëruar këtë vit, gjatë periudhës pranverë- verë parkun e vizituan vetëm dy mijë të huaj. Ndërsa vendasit vijojnë ta kenë si destinacion të tyre Divjakën edhe këtë fundjavë shtatori.
“Ne kemi ardhur nga Anglia, Londra, thjesht për vizitë. Takuam këto të grupit dhe vendosëm të shëtisim divjakën. Ishte kënaqësi”, thotë një turiste.
“Kam ardhur nga Elbasani. Kam ardhur këtu kur kam qënë e vogël. Shumë ndryshime të vecanta. Me agjenci turistike. Do i hipim varkave, do shohim pelikanin, është bukur…”, thotë një tjetër turiste.
Në kushtet e shkaktuar nga covid19, Drejtori i Agjensisë së Zonave të Mbrojtura, Ardian Koçi, shpjegon se i është dhënë vëmendje mundësive të reja nëpërmjet aplikacioneve në internet për turistët.
“Po t’i krahasosh me një vit më parë jemi shumë larg por mendojmë që duke parë risitë e reja shumë shpejt do e marim veten”, thotë Ardian Koçi, drejtor i AKZM.
Një vit më parë 500 mijë turistë vizituan Karavastanë, nga të cilët 60 mijë ishin të huaj. Ndonëse, këtë vit pandemia përgjysmoi shifrat, operatorët turistikë shpresojnë ende në zgjatjen e sezonit turistik, me qytetarë të cilët vijnë edhe për turizëm një ditor.
Tv Klan
