56 notarë bashkohen për të kujtuar shqiptarët e arratisur

56 notarë që nga Zelanda e re, Kenia, Britania e Madhe, Irlanda, dhe për herë të parë edhe 14 notarë nga Shqipëria kanë kaluar me not Kanalin e Korfuzit.

Në këto ujëra, para 3 dekadash, këtë kanal e kanë kaluar në kushte të tjera shumë shqiptarë që për të shpëtuar nga regjimi komunist vunë si çmim jetën e tyre.

Për këtë anë të historisë së diktaturës, ky aktivitet u realizua për të 5-tin vit, për të kujtuar guximtarët e Shqipërisë atë kohë të ndrydhur, prej të cilës arritën të dilnin gjallë shumë pak persona.

Ky aktivitet që nuk i ngjan asnjë tjetri për nga iniciativa, simbolika dhe organizimi, njëkohësisht arriti të bëjë të njohur historinë e Shqiptarëve edhe përtej Oqeanit.

Albania Overboard, UNDP Albania, Albania Yachting, u kujdesën që ky organizim aspak i zakonshëm ku notarët përshkruan 2. 3 KM me not të kalonte me sukses.

Ky organizim rikthehet për herë të parë që pas bllokimit që ju bënë aktiviteteve për shkak të pandemisë.

Tv Klan