Pjesë e rubrikës “Ka një mesazh për ty” kanë qenë nipërit e aktores së njohur Florinda Mazreku të cilët i kanë bërë një surprisë të bukur dhe i kanë kërkuar falje që zihen shpesh herë. Madje ata i kanë kërkuar që ajo të hapë edhe rrjete sociale per të qenë më e famshme.
Ardit Gjebrea: Pse turpëroheni ju kur nëna takon shokët tuaj?
Dean: Mua më vjen turp sepse nëna na pyet për shokët a janë rrugeçër a jo.
Ardit Gjebrea: Çfarë do të thotë për ju fjala rrugeçër?
Dean: Ata që shajnë, thonë fjalë të pista, ata që bëjnë gjëra të këqija domethënë.
Ardit Gjebrea: Po ju me mësime a jeni mirë?
Dean: Po shumë mirë. Më përpara i bënim detyrat me nënën në shtëpi dhe nëna është shumë e mirë në shkrime dhe çdo gjë dhe ajo do që unë të jem me të gjitha 10. Më thotë bëjë shkrimin e mirë, mëso shumë, lexo shumë dhe sa herë iki tek nëna më bën të lexoj shumë dhe t’i bëj të gjitha detyrat.
Ardit Gjebrea: Po ju pse i thërrisni nënës Lila?
Erini: Kot për hobi.
Dean: I thërrisnin kur ishim të vegjël, na ka mbetur si shprehje.
Ardit Gjebrea: Pse i thoni nënës tuaj që i është djegur USB-ja?
Erini: Ngaqë është e vjetër 60 vjeç. Ata që kalojnë moshën 60-vjeç për ne i është djegur USB-ja.
Ardit Gjebrea: Kur të shkoni ju vetë 60 vjeç do shikoni që ajo USB-ja juaj i bën çdo laptopi dhe çdo kompjuteri dhe funksionon shumë mirë. Po me rrjetet sociale si jeni juve?
Erini: Instagram, SnapChat, Tik Tok dhe YouTube. Facebook nuk na pëlqen.
Ardit Gjebrea: Është për ata që i është djegur USB?
Erini: Po e gjete.
Ardit Gjebrea: Edhe unë nuk e përdor, domethënë ka kohë për t’u djegur USB-ja ime. /tvklan.al
