Një person ka mbetur i plagosur pas disa të shtënave me armë zjarri në Shkodër. Ngjarja ka ndodhur në lagjen “Mark Lula” mbrëmjen e kësaj të diele.
Sipas informacioneve paraprake, ngjarja ka ndodhur pas sherrit në një lokal. I plagosuri është 22-vjeçari Mikel Fusha, ndërkohë që ai ndodhet në spital ku po merr ndihmë mjekësore.
Mësohet se autori i dyshuar është identifikuar nga policia. Ai quhet Elvis Lekëndreu dhe është shpallur në kërkim. Në vendngjarje ndodhen forcat policore të cilat po kryejnë veprimet hetimore.
Informacioni paraprak i Policisë së Shkodrës
Më datë 21.03.2021, rreth orës 19:30, në lagjen “Mark Lula”, Shkodër, dyshohet se pas një konflikti të çastit është plagosur në këmbë me armë zjarri shtetasi M. F, 22 vjeç, i cili ndodhet jashtë rrezikut për jetën. Nga veprimet e para hetimore, dyshohet se autori i plagosjes është shtetasi E. L, ku vijon krehja e zonës për kapjen e tij. Në vendngjarje ndodhet grupi hetimor dhe nën drejtimin e Prokurorisë po vijon puna për zbardhjen e plotë të rrethanave të ngjarjes. /tvklan.al
