Një person është arrestuar nga Policia e Gjirokastrës dhe një tjetër është shpallur në kërkim pasi tentuan të transportonin emigrantë të paligjshëm.
Në pranga ka rënë 32-vjeçari me iniciale S.Ç., ndërsa në kërkim është shpallur bashkëpunëtori i tij, identiteti i të cilit nuk bëhet i ditur nga policia për arsye hetimore.
Uniformat blu kishin marrë informacion se përgjatë aksit rrugor Qafë Muzinë – Gjirokastër do të transportoheshin emigrantë të paligjshëm.
32-vjeçari u arrestua në flagrancë pranë fshatit Jorgucat në aksin rrugor Kakavijë-Gjirokastër.
Ai, në bashkëpunim me një shtetas tjetër, i cili është shpallur në kërkim, kanë tentuar të transportojnë 7 emigrantë të paligjshëm në drejtim të Tiranës me mjetet tip “Volkswagen” dhe “Alfa Romeo”. Në cilësinë e provës materiale u sekuestruan dy automjetet dhe një aparat celular. /tvklan.al
