IGJEUM: Janë thyerje të ndryshme teknonike
Një tjetër tërmet i fuqishëm me magnitudë 5.8 tronditi Greqinë mbrëmjen e së enjtes.
Lëkundjet janë ndjerë edhe në jugun e Shqipërisë, deri në Tiranë, duke shkaktuar panik të mjaft qytetarë. Por specialistët e Institutit të Gjeoshkencave thonë se përpos ndjeshmërisë, vendi ynë nuk është i rrezikuar nga kjo vatër sizmike.
“Shteti jonë fqinj është goditur përsëri nga një tërmet me magnitudë rreth 5.8 Rihter. Ka patur raportime për ndjeshmëri edhe në Tiranë. Ky tërmet nuk përbën problem, nuk është rrezik për Shqipërinë. Tërmetet që po prekin Greqinë janë të pavarura nga thyerjet tektonike të Shqipërisë”, tha specialisti i IGJEUM, Olger Gjuzi.
Specialistët e IGJEUM thonë se nuk kanë matur fuqinë me të cilin është përcjellë ky termet në Shqipëri. Ai është ndjerë më së shumti në katet e sipërme të ndërtesave të larta.
Tv Klan
