Teuta fiton edhe Superkupën përballë Tiranës


Teuta fiton edhe Superkupën përballë Tiranës

17:03 01/09/2020

Të dy ekipet tani do të mendojnë për Europa League

Teuta mundi Tiranën edhe në Superkupën e Shqipërisë pas suksesit të arritur në Kupë në fillim të muajit Gusht. Durrsakët triumfuan me rezultatin 2 – 1 në takimin e luajtur të hënën në Elbasan që u transmetua në Klan Plus. Heroi i takimit ishte Rubin Hebaj me 2 gola të realizuar.

“Pas fitores së Kupës së Shqipërisë edhe kjo ndaj Tiranës e kishim moralin lart. Jam shumë i lumtur që morëm dhe Superkupën dhe shënova golat”.

Si Tirana dhe Teuta janë ende në garë për kupat e Europës. Bardheblutë janë një hap larg grupeve të Europa League, pasi luajnë në Play Off dhe Emanuel Egbo ka besim se do ta arrijnë këtë objektiv.

“Minimumi për Ligën e Europës. Nëse çdo njeri beson dhe punon dhe jep 100%, realizohet çdo gjë”.

Teuta do të përballet në turin e dytë me Granada. Skuadra spanjolle ishte një kundërshtar që trajneri Edi Martini nuk e dëshironte përballë.

“Me thënë të drejtën, ishte e vetmja që s’doja të na binte. Ka për të qenë një eksperiencë e mirë për ne. Ndeshjen në Durrës e kemi. Ju e dini mundësitë reale tona”.

Përveç Tiranës e Teutës, nga kampionati shqiptar marrin pjesë në Europa League edhe Kukësi e Laçi që do të luajnë respektivisht me Wolfsburg e Hapoel Beer Sheva.

Tv Klan



Të ngjashme