Presidenti i Kosovës Hashim Thaçi e ka quajtur të rrezikshëm dialogun me Serbinë për çështje të krijimit të Asociacionit të Komunave me shumicë serbe. Për Thaçin, bisedimet për këto çështje janë axhendë e Serbisë dhe se kjo çështje është e para një dekade.
Sipas tij, parlamenti i Kosovës duhet të jetë shumë i vëmendshëm dhe se marrëveshjet e nisura në Washington duhet të përfundojnë atje me marrëveshjen finale.
Këto komente Thaçi i ka bërë pas përfundimit të ceremonisë së festimit të vitit të ri hebraik ku kryerabini i Shqipërisë, Yoel Kaplan, bëri të ditur se këmbimi i letrave për njohjen reciproke ndërmjet Izraelit dhe Kosovës do të ndodh pas nënshkrimit të marrëveshjes me Emiratet e Bashkuara dhe Bahreinin.
Ndërsa nëpërmjet një letre kryeministri izraelit Benjamin Netanyahu ka thënë se Kosova dhe Izraeli do të nisin një epokë të re bashkëpunimi.
Tv Klan
