Thellohet bilanci i viktimave në Sri Lanka

Thellohet bilanci i viktimave në Sri Lanka

10:10 22/04/2019

Ka shkuar në 290 numri i të vrarëve në Sri Lanka, pas shpërthimeve që goditën kisha e hotele luksoze nëpër vend të dielën. Rreth 500 është numri i të plagosurve, ndërsa në mesin e të vrarëve, 36 janë të huaj.

Policia tha se 24 persona janë vënë në pranga, por nuk dihet ende se kush qëndron pak këtyre sulmeve, më të rëndat që Sri Lanka ka parë që prej fundit të luftës civile në 2009.

Shpërthimi i parë ndodhi rreth orës 08:45. Ai u pasua nga 5 shpërthime të tjera në një hark fare të shkurtër kohor. Teksa policia ishte vënë në kërkim të autorëve, u raportuan edhe 2 shpërthime të tjera.

Ende nuk ka asnjë informacion mbi 24 të arrestuarit. Autoritetet besojnë se disa prej shpërthimeve ishin kamikaze.

Pjesa më e madhe e viktimave janë shtetas nga Sri Lanka, shumë prej të cilëve besimtarë që ndodheshin në kisha për shërbimin e Pashkëve.

/tvklan.al

Të ngjashme
Kolegji Profesional
AKSHI