Humbja e Kukësit me Vllazninë i jep bardhebluve titullin
Tirana është kampione e Shqipërisë pas 11 vitesh pritje. Humbja 1-0 e Kukësit në fushën e Vllaznisë i dha titullin bardhebluve kur duhen e dhe 2 javë që të përfundojë Superliga. Goli i Adilit në minutat e fundit vendosi gjithçka.
Tirana është 7 pikë larg Kukësit, diferencë që i jep sigurinë matematikore. Bardheblutë kishin fituar të shtunën 2-0 përballjen me Flamurtarin. Ky është titulli i 25 kampion për ekipin kryeqytetas.
Përballja tjetër e së dielës, Teuta-Partizani, u mbyll pa gola. Laçi fitoi 3-0 me Bylisin në Ballsh, duke hedhur një tjetër hap drejt objektivit Europë. Kurbinasit mbrojnë kështu vendin e tretë në renditje. Javët e fundit me sa duket do të shërbejnë për të vendosur ekipet që do të shkojnë në kupat e Europës dhe skuadrën që do të luajë në play out.
Tv Klan
