• Shpërndaje

Begaj: Vlerësim për ruajtjen e trashëgimisë

Presidenti i Shqipërisë, Bajram Begaj, ka nderuar me titullin “Mjeshtër i Madh” etnografen e njohur Afërdita Onuzi, me motivacionin; për kontributin e jashtëzakonshëm në studimin, dhe dokumentimin e veshjeve tradicionale, veçanërisht Xhubletën.

Në një ceremoni të mbajtur në Presidencë, kreu i shtetit e vuri theksin te ruajtja e trashëgimisë kulturore që është identiteti i vendit.

Në fjalën e tij Presidenti u shpreh se një mbrojtje të veçantë duhet të ketë edhe Gjuha Shqipe.

Ky aktivitet kishte në qendër kontributin e gruas shqiptare në trashëgiminë kulturore, në këtë rast Afërdita Onuzin që 52 vite të jetës së saj ia ka kushtuar etnografisë.

Tv Klan