Tomorri do rishpallet zonë e mbrojtur

Tomorri do rishpallet zonë e mbrojtur

15:53 19/08/2019

Klosi paralajmëron ankimim të vendimit

Qeveria mbetet e vendosur për ta shpallur malin e Tomorrit “park kombëtar”, edhe pasi Gjykata Administrative Tiranë e rrëzoi këtë vendim të Këshillit të Ministrave. Ishte ministri Blendi Klosi që gjatë një takimi me ekspertë tha se do të rinisin procedurat për rishpalljen e parkut si zonë të mbrojtur.

Sipas ekspertëve, në Malin e Tomorrit gjenden specie të rralla që rrezikojnë të zhduken nëse vijon dëmtimi i tij.

Gjykata Administrative u dha të drejtë subjekteve që operonin si gurore në këtë zonë, me argumentin se ata nuk ishin pyetur nga qeveria për shpalljen e malit të Tomorrit si park kombëtar.  Pronarët e guroreve kanë kërkuar rinisje të punimeve por nuk janë lejuar nga policia.

Banorët e Beratit dhe ambientalistë po përgatisin edhe një peticion drejtuar organeve shtetërore dhe gjykatës për ta shpallur parkun e Tomorrit një zonë të mbrojtur.

Tv Klan

Të ngjashme
UKT