Është cilësuar si filmi më i dashur për publikun në të gjithë botën
Christopher McQuarrie e ka përshkruar filmin “Top Gun: Maverick”, si projektin më të mirë në të cilin ai ka punuar dhe se mezi po pret që të transmetohet edhe për publikun e gjerë.
52-vjeçari është pjesë e ekipit të skenaristëve të filmit të shumëpritur, i cili është vazhdimi i dytë i projektit me buxhet të lartë të aktorit, Tom Cruise, që u lançua më 1986.
McQuarrie është një nga bashkëpunëtorët më besnik të aktorit Tom Cruise ku kanë punuar në realizimin e disa projekteve filmike si: “Mission: Impossible-Rouge Nation”, “Jack Reacher”, “Edge of Tomorrow”, etj.
Cruise do të jetë sërish në rolin e pilotit ushtarak, Pete ‘Maverick’ Mitchell. Në të kaluarën ylli i kinematografisë kishte deklaruar se nuk do të kishte një vazhdim të këtij projekti shumë të dashur për publikun, por edhe një film që i dha dimensione të reja karierës së tij si aktor.
Filmi i ardhshëm “Top Gun” është realizuar me një buxhet prej 152 milionë dollarësh dhe është planifikuar të transmetohet në kinema më 19 nëntor të këtij viti.
Klan News
