Nëna mbyt 3 vajzat e vogla
Tre vajza të vogla u gjetën të vdekura në një shtëpi, pasi nëna e tyre telefonoi policinë duke thënë se kishte vrarë fëmijët e saj. Ngjarja tragjike u zbulua në një shtëpi në Vjenë të Austrisë, rreth orës 05:20 të mëngjesit të sotëm.
Sipas asaj që shkruan e përditshmja The Sun, fëmijët ishin të moshës 8 muajsh, 3 dhe 9 vjeçe. Ata humbën jetën pasi u mbytën, sipas të gjitha të dhënave, nga nëna e tyre 31-vjeçare. Kjo e fundit, kur mori policinë në telefon u tha oficerëve se donte të vriste veten.
E reja, e cila mësohet se është me origjinë nga Nepali, por jetonte në Austri, u arrestua në vendin e ngjarjes. Babai i vajzave, sipas mediave vendase, jeton në Vjenë, por ishte i ndarë nga bashkëshortja. Shkaqet e ngjarjes së rëndë mbeten të paqarta./tvklan.al
