Një tragjedi ndodhi në Urën e Brooklyn në New York. 2 persona humbën jetën ndërsa 19 të tjerë mbetën të plagosur si pasojë e një aksidenti të një anijeje të marinës meksikane.

Policia tha se anija Cuauhtemoc kishte 277 anëtarë në ekuipazh. Mjeti lundrues pati humbje të energjisë teksa kapiteni i anijes po e manovronte, duke e detyruar që t’i drejtohej urës.

Në rrjetet sociale janë publikuar pamjet e momentit të incidentit. Aty dallohen direkët që shemben si pasojë e përplasjes me urën. Pikërisht aty gjendeshin edhe disa prej anëtarëve të ekuipazhit që humbën jetën ose u plagosën.

Anija, 91 metra e gjatë dhe 12 metra e gjerë, lundroi për herë të parë në vitin 1982. Çdo vit ajo niset në lundrim në fund të mësimeve në shkollën ushtarake detare për të përfunduar stërvitjen e kadetëve. Prej 6 Prillit ajo ishte nisur nga Acapulco dhe destinacioni i fundit duhej të ishte Islanda.

Presidentja e Meksikës, Claudia Sheinbaum ka shprehur keqardhjen e thellë për humbjen e dy anëtarëve të ekuipazhit në aksident./tvklan.al