Hera e dytë që i vendoset eksploziv
Një shpërthim me eksploziv është regjistruar mbrëmjen e së mërkurës në qytetin e Sarandës.
Ngjarja ndodhi rreth 22:40 minuta në lagjen numër 4 dhe eksplozivi shpërtheu në një hotel. Në pronësi të Mariel Muratit, ish-drejtor i ALUIZNI-t në Sarandë.
Nga shpërthimi mësohet se nuk ka të lënduar, por vetëm dëme material. Sakaq, forca të shumta policie ndodhen në vendin e ngjarjes dhe po hetojnë për zbardhjen e saj dhe kapjen e autorit.
Kjo nuk është hera e parë që këtij hoteli i vendoset tritol, pasi më 9 Shkurt të vitit 2021 në të ka shpërthyer një tjetër sasi eksplozivi.
Tv Klan