Teksa një ditë më parë, Presidenti i Shteteve të Bashkuara, Donald Trump, përdori “armën e tij më të mirë”, atë të tarifave ndaj Bashkimit Evropian, kjo e fundit ka “ngritur zërin e saj”.
Maros Sefcovic, Komisioner i Tregtisë së BE-së, përmes një postimi në platformën “X”, siguron se unioni evropian është i gatshëm të mbrojë interesat e tij. Një mesazh pati dhe për Trump-in, duke u shprehur se tregtia SHBA-BE, është i bazuar tek respekti reciprok, e jo tek kërcënimet.
“Fola me @jamiesongreer & @howardlutnick. BE-ja është tërësisht e angazhuar, e vendosur për të siguruar një tregti që funksionon për të dy palët. @EU_Commission qëndron e gatshme për të punuar në mirëbesim. Tregtia BE-SHBA është e pakrahueshme dhe duhet të udhëhiqet nga respekti i përbashkët, jo në kërcënime. Ne jemi të gatshëm për të mbrojtur interesat tona”, shkruan Sefcovic në “X”.
Spoke w @jamiesongreer & @howardlutnick. The EU's fully engaged, committed to securing a deal that works for both. @EU_Commission remains ready to work in good faith. EU-US trade is unmatched & must be guided by mutual respect, not threats. We stand ready to defend our interests. pic.twitter.com/RfIo5K4aus
— Maroš Šefčovič🇪🇺 (@MarosSefcovic) May 23, 2025
Kujtojmë se Trump, një ditë më parë bëri të ditur se synon që të aplikohet një tarifë prej 50% për të gjitha mallrat që importohen nga Bashkimi Europian drejt Shteteve të Bashkuara, por gjithashtu dhe për produktet e Apple, kryesisht iPhone, që të tarifohet importi i tyre me 25%.
Përmes një postimi në platformën e tij Truth Social, Trump shkruan se qëllimi i Bashkimit Europian është përfitimi nga Shtetet e Bashkuara lidhur me tregtinë, e se është bërë sipas tij e vështirë përballimi i saj. Për këtë arsye, Trump sugjeron që këto tarifa të aplikohen që me datë 1 qershor 2025.
Lidhur me tarifimin e celularëve të Apple, Trump shkruan në Truth Social se është në pritje që produktet e kësaj kompanie të prodhohen në Shtetet e Bashkuara dhe jo në vende të tjera, e për këtë arsye, po konsideron të aplikojë tarifën prej 25%.
Lajmi i mirë për çdo shqiptar i cili eksporton mallra drejt Shteteve të Bashkuara? Fakti që ne nuk jemi pjesë e Bashkimit Europian, na ndihmon për të pasur tarifa sa më të ulëta. Për vendin tonë aplikohet ende tarifa bazë prej 10%.
Shqipëria eksporton sasi të mëdha mallrash dhe të mirash materiale drejt SHBA-ve. Grupi i dytë më i eksportuar është ai i ushqimit dhe duhanit.
Vetëm gjatë vitit 2024, u regjistruan 7 miliardë Lekë eksporte drejt SHBA-ve nga Shqipëria.
/tvklan.al
